| e-texts navigator |
| Wylie |
397b1 དབྱིངས་སུ་འུབ།། ཉོན་མོངས་ལྔ་པ་ཞེས་བྱ་བའི་དམ་ཚིག་ནི། མ་རིག་པ་ནི་རིག་པར་འགྱུར།། ཕྱིན་ཅི་ལོག་ནི་ཡང་དག་སྟེ།། ཉོན་མོངས་ལྔ་པོ་དེ་བཞིན་གཤེགས།། དངོས་མེད་རྟོགས་ན་བྱང་ཆུབ་ལམ།། མ་རྟོགས་ངན
397b2 སོང་གསུམ་དུ་འགྲོ།། དེ་བས་ཐོས་བསམ་བསྒོམས་པ་ཡིས།། ཡང་དག་དོན་ཉིད་རྟོགས་བྱས་ཏེ།། ཐམས་ཅད་སངས་རྒྱས་ཉིད་དུ་སྦྱོར།། འདོད་ཆགས་རང་བཞིན་མེད་པས་ན།། ཡང་དག་དོན་ལ་ཆགས་བྱེད
397b3 དེ།། ཆགས་པ་མེད་པའི་ཚུལ་གྱིས་གནས།། མ་ཆགས་པ་ལ་ཆགས་པ་དང་།། ཤིན་ཏུ་ཆགས་མཆོག་ཆེན་པོ་ཡིན།། རྒྱལ་བའི་ཞིང་ཁམས་འབྱུང་འགྱུར་ཏེ།། སྣང་བ་མཐའ་ཡས་ཞིང་དག་ཡིན།། ཐམས་ཅད་པདྨ་བརྫུས
397b4 སྐྱེས་ཡིན།། རྡོ་རྗེ་འཛིན་གྱི་ས་རུ་སྐྱེ།། ཞེ་སྡང་ཆེན་པོའི་མཚན་ཉིད་ནི།། ཕྱིན་ཅི་ལོག་ལ་ཞེ་སྡང་ཞིང་།། ཞེ་སྡང་དངོས་པོ་མེད་ཤེས་ན།། སྡང་དང་མི་སྡང་མཉམ་ཤེས་ཏེ།། ཅིས་ཀྱང་མི་ཚུགས་རྡོ་རྗེ་ཡིན།། མཉམ་པ་ཆེན
397b5 པོའི་ངང་ཉིད་ནི།། ཐམས་ཅད་ཀུན་ལ་དབྱེར་མེད་དེ།། དེ་ལྟར་མ་རྟོགས་ཀུན་ལ་སྣང་།། དེ་བཞིན་ཕལ་གྱིས་མཉམ་མི་ཤེས།། དེས་ནི་ཞེ་སྡང་ཉིད་དུ་མཐོང་།། ཡང་དག་རྟོགས་པས་རབ་བརྟགས་ན།། ཞེ་སྡང་ཐུགས་རྗེ
397b6 པོ་ཡིན།། གཏི་མུག་རྨོངས་པ་ཞེས་བརྗོད་པས།། ཆོས་རྣམས་མ་ལུས་ཐམས་ཅད་ཀུན།། དོན་དམ་དུ་ནི་དབྱེར་མེད་ལ།། ཀུན་རྫོབ་སྒྱུ་མ་མིག་ཡོར་ཚུལ།། སྣང་བ་ཉིད་ན་དངོས་མེད་པས།། དེ་ལ་སུ་ཞིག་བདག་ཏུ
iiif viewer powered by OpenSeadragon
