| e-texts navigator |
| Wylie |
396a1 དང་།། རང་བཞིན་མེད་ལ་ཅིར་ཡང་འགྲུབ།། སོ་སོར་དེ་བཞིན་འཁོར་བར་གཟིགས།། སྔགས་མཆོག་བླ་ན་མེད་པས་ནི།། མཚན་མ་ཀུན་དང་མི་བརྟག་པར།། མཚན་མ་ཀུན་དང་ཐམས་ཅད་མེད།། ཀུན
396a2 དང་མཉམ་པ་ཉིད་ཡིན་པས།། འཇིག་རྟེན་འདས་དང་འཇིག་རྟེན་པའི།། སོ་སོར་ལྟ་བ་བརྗོད་མི་བྱ།། སྤྱི་ནི་ལོག་རྟོག་བསམ་ཡས་པ།། ཡེ་ནས་ཡོད་པ་མ་ཡིན་ཏེ།། སོ་སོའི་རྣམ་རྟོག་བག་ཆགས་ཀྱིས།། གཟུང་འཛིན་དྲ
396a3 བས་བསྒྲིབས་འགྱུར་ཏེ།། ཅི་ཡང་མེད་ལ་ཅིར་ཡང་སྣང་།། སྣང་བ་ཉིད་ན་རང་བཞིན་མེད།། དེ་ལྟར་རྟོགས་ན་བདེར་འགྲོའི་གནས།། རྡོ་རྗེ་ཅན་གྱིས་དེ་ལྟར་རྟོགས།། རྣལ་འབྱོར་ཆེན་པོའི་ལྟ་སྤྱོད་ནི།། ཅིར་ཡང་སྤྱོད
396a4 ཀྱང་རང་བཞིན་མེད།། མཁའ་ལ་བྱ་ཆེན་ལྡིང་བ་བཞིན།། ཆུ་ལ་སྐྱར་ཆེན་འཕྱོ་བ་བཞིན།། མཁའ་ལ་རླུང་ཆེན་འགྲོ་བ་བཞིན།། རྣལ་འབྱོར་ལྟ་བ་དེ་ལྟར་བལྟ།། རྣལ་འབྱོར་སྤྱོད་པ་ཆེན་པོ་ནི།། ཐམས་ཅད་ཀུན་ལ་དབྱེར
396a5 མེད་སྤྱོད།། བདེ་བའི་རོ་མཆོག་མྱོང་བར་འགྱུར།། དེ་ལ་སུ་ཞིག་ཆགས་པར་བྱེད།། སྤྱོད་བཞིན་མ་ཆགས་ཡེ་ཤེས་ཡིན།། བདེ་བའི་མཆོག་ཉིད་བསོད་ནམས་ཚོགས།། དེ་ལྟ་བུ་ཡི་ངང་དུ་སྤྱོད།། འདི་ནི་སྤྱོད་པ་རླབས་ཆེན
396a6 ཡིན།། ལྟ་སྤྱོད་ཡ་ཆར་མ་གྱུར་པར།། སྔགས་འཆང་རྣམས་ཀྱིས་རྟག་ཏུ་སྤྱད།། ཁ་ཅིག་ལྟ་བ་མཉམ་གནས་ཀྱང་།། སྤྱོད་པ་དག་དང་ཡོང་མི་མཐུན།། ཁ་ཅིག་སྤྱོད་པ་རྫོགས་བྱེད་ཀྱང་།། མཉམ་པའི་ལྟ་བ་ཡོང་མི
iiif viewer powered by OpenSeadragon
