| e-texts navigator |
| Wylie |
395b1 ཁམས་དག་ཏུ་འཁོར་བའི་ས།། མཉམ་པའི་དོན་ཉིད་མི་རྟོགས་ཤིང་།། ཚད་མེད་བཞི་དང་བསམ་གཏན་བཞི།། རིམ་པར་སོ་སོར་བདག་འཛིན་ཅིང་།། གཟུགས་ཚོགས་དག་ལ་བདག་ཏུ་རྟོག། འདི་ནི་ཚངས་གནས་རིམ
395b2 པར་སྐྱེ།། མཉམ་དང་གཟུགས་མེད་མ་རྟོགས་པར།། མིང་བཞི་མེད་པར་མ་ཤེས་ཏེ།། སྐྱེ་མཆེད་བཞི་ལ་གནས་འགྱུར་བས།། སྲིད་པའི་རྩེ་མོའི་ས་རུ་སྐྱེ།། ཐམས་ཅད་མཉམ་པར་མ་ཤེས་ན།། མ་ལུས་ཀུན་ལ་ཞེ་སྡང
395b3 ཞིང་།། སྙིང་རྗེ་ཡང་དག་མེད་འགྱུར་ན།། འདི་ནི་མི་བཟད་ཆེན་པོ་ཡི།། དམྱལ་ཁམས་བཅུ་དྲུག་གནས་པ་ཡིན།། ཆགས་མེད་དངོས་པོ་མི་ཤེས་ནས།། ཐམས་ཅད་ཀུན་ལ་འདོད་ཆགས་ཤིང་།། ལུས་ཀྱིས་བསྒྲིབས་དང
395b4 ཟས་ཀྱིས་བསྒྲིབས།། ཡི་དྭགས་ཆེན་པོའི་གནས་སུ་སྐྱེ།། ང་དང་བདག་མེད་མི་ཤེས་ཤིང་།། ཆོས་རྣམས་ཀུན་ལ་རྨོངས་བྱས་པས།། ཤེས་རབ་མི་གསལ་དོན་མེད་པས།། དགེ་སྡིག་གཉིས་ཀྱི་དོན་མ་རྟོགས།། འདི་ནི
395b5 བྱོལ་སོང་གནས་སུ་སྐྱེ།། ཤིན་ཏུ་ང་རྒྱལ་ཆེར་བསྐྱེད་ཅིང་།། ཐམས་ཅད་བདག་གིར་བཟུང་བས་ན།། ཀུན་དང་རྩོད་པའི་ལས་བྱེད་པ།། ལྷ་མ་ཡིན་གྱི་གནས་སུ་སྐྱེ།། ཐེག་མཆོག་མཐོ་དམན་ཐམས་ཅད་དང་།། འཇིག
395b6 རྟེན་ལྟ་བ་ཐམས་ཅད་ཀུན།། ཡེ་ཤེས་ཆེན་པོས་རབ་བརྟགས་ན།། རང་བཞིན་མེད་ལ་ཅིར་ཡང་འགྲུབ།། རང་བཞིན་དབྱིངས་ལས་ཉམས་པ་མེད།། ཤེས་རབ་ཆེན་པོ་མིག་ལྡན་པས།། མཐོ་དམན་གནས་དང་ལམ་དྲུག
iiif viewer powered by OpenSeadragon
