| e-texts navigator |
| Wylie |
395a1 གཅོད་བཞིན་གྱིས།། འཛིན་ཆགས་མ་ལུས་ཐམས་ཅད་ཀུན།། མཁའ་ལ་རླུང་ཆེན་འཕྲོ་བ་བཞིན།། ཡིད་ཀྱི་རྟོག་ཆགས་མ་ལུས་པ།། ཆུ་ལ་ཉ་ཆེན་འཕྱོ་བ་ལྟར།། རྣལ་འབྱོར་ལྟ་བ་དེ་ལྟར་ལྟོས།། དེ་ལྟར
395a2 རྟོགས་པའི་ཤེས་རབ་ཀྱིས།། ཚིག་ཙམ་མ་ཡིན་བློ་གཏིང་སྤོས།། རྡོ་རྗེ་ཐེག་མཆོག་ཁ་འཆེས་ལ།། མཉམ་པའི་དོན་ཉིད་མི་ཤེས་པར།། གསང་སྔགས་དམ་ཚིག་མཉམ་ཟེར་ཞིང་།། ཐུགས་ཐུབ་དག་གིས་སྤྱད་བྱས
395a3 པ།། དམྱལ་ཁམས་དག་ཏུ་བརྒྱུད་པར་འགྱུར།། མཉམ་པའི་དོན་ཉིད་ཇི་ལྟ་བུ།། མཉམ་དང་རྟོགས་པ་གང་ཡང་མེད།། ཇི་ལ་མི་གནས་ཡུལ་ལ་སྤྱོད།། སྤྱོད་པར་བྱེད་དང་སྤྱོད་པ་མེད།། དེ་ལྟར་རྟོགས་པའི་རིགས་མཆོག
395a4 ནི།། རྡོ་རྗེ་རིག་འཛིན་སྐྱེ་བ་ན།། འཇིགས་མེད་ཀུན་ཏུ་བཟང་པོར་སྦྱོར།། ཡོན་ཏན་མི་ཟད་གནས་པ་ཡིན།། མཉམ་པའི་དོན་ཉིད་མི་ཤེས་ཤིང་།། ཀུན་རྫོབ་དོན་དམ་གཉིས་མེད་ལ།། ཆོས་དང་གང་ཟག་གཉིས་མེད
395a5 ན།། འདི་ནི་བྱང་ཆུབས་པ་ཡིན།། ལས་དང་ཉོན་མོངས་ཐམས་ཅད་ལ།། མཉམ་པའི་དོན་དུ་མི་ཤེས་ཤིང་།། རྟེན་འབྲེལ་རྒྱུ་འབྲས་ཡོད་འཛིན་ན།། འདི་ནི་རང་སངས་རྒྱས་ཀྱི་ས།། ཆོས་རྣམས་མ་ལུས་ཐམས་ཅད
395a6 ལ།། བདེན་བཞིའི་དངོས་པོ་ཡོད་ལྟ་ཞིང་།། སྤང་དང་མི་སྤོང་བྱེད་འགྱུར་བ།། འདི་ནི་ཉན་ཐོས་ས་པ་ཡིན།། དགེ་བཅུ་དག་ལ་གཙོར་ལེན་ཅིང་།། དགེ་དང་མི་དགེ་མི་མཉམ་པས།། ལྷ་དང་མི་ཡི་སྐྱེ་གནས་ཏེ།། འདོད
iiif viewer powered by OpenSeadragon
