| e-texts navigator |
| Wylie |
392a1 ཟླུམ།། ཐམས་ཅད་རྒྱས་འདེབས་ཞེས་བྱ་བའི་དམ་ཚིག་ནི། ཕྱོགས་བཞི་མཚམས་བཞི་སྟེང་འོག་བཅུ།། རང་བཞིན་ཆེན་པོས་ཀུན་དུ་ཁྱབ།། རང་བྱུང་དེ་ཉིད་དངོས་མེད་པར།། ཀུན་གྱི་ཕྱག་རྒྱ་སྒྱུ་ཡིན
392a2 ནོ།། ཆོས་དབྱིངས་དེ་ཉིད་ཟབ་པ་ཡི།། བདག་ལ་གནས་ཤིང་བརྟག་དཀའ་བའོ།། མཉམ་པའི་དབྱིངས་སུ་ཐམས་ཅད་འདུས།། ཡེ་ནས་བདེ་གནས་ཞིང་དུའོ།། ཆོས་རྣམས་དབྱེར་མེད་པ་ཞེས་བྱ་བའི་དམ་ཚིག་ནི། ཡེ
392a3 ནས་དབྱིངས་སུ་རོ་གཅིག་པས།། དེ་ལ་ང་དང་བདག་མ་རྟོགས།། རང་བཞིན་རྣམ་པར་དག་པ་ལ།། གཙང་དང་སྨེ་བའི་བློ་ཙམ་མེད།། ཐམས་ཅད་བདེར་གཤེགས་སྙིང་པོ་པས།། རྐྱེན་གྱི་རྡུལ་གྱིས་ག་ལ་འགོ། ཤེས་རབ
392a4 མཆོག་གིས་དེ་ལྟར་རྟོགས།། མ་ལུས་ཀུན་འདུས་དབྱིངས་ཤེས་བྱོས།། ཐམས་ཅད་འཇིགས་བྱེད་ཅེས་བྱ་བའི་དམ་ཚིག་ནི། ཤེས་རབ་བློ་རྩལ་ལྡན་པ་ཡིས།། བརྟག་རྟོག་མཚན་མ་ཀུན་བཤིག་ནས།། མཚན་མ་མེད་པའི
392a5 ཕྱག་རྒྱ་རུ།། ཐམས་ཅད་འདུས་པར་ཡང་དག་རྟོགས།། རྟོག་པ་ཉིད་ཀྱང་དངོས་མེད་ལ།། དེ་ཉིད་སྣ་ཚོགས་པར་སྣང་བའི།། སྣང་བ་ཉིད་ན་བྱང་བ་མེད།། དེ་ཉིད་འཇིག་པའི་ཕྱག་རྒྱ་ཡིན།། གཡུང་དྲུང་ཚེ་འཕེལ་ཞེས་བྱ།
392a6 བའི་དམ་ཚིག་ནི། ཆོས་རྣམས་ཐམས་ཅད་བདག་ཡིན་པས།། གང་དུ་འགྲོ་ཞིང་གང་དུ་སྐྱེ།། འཇིག་དང་སྐྱེ་བའི་དངོས་པོ་མེད།། དངོས་མེད་དེ་ལ་སུ་ཞིག་གསོད།། གང་ཞིག་གཉིས་སུ་འཛིན་པ་ལ།། སྐྱེ་དང་འཆི་བ་དེ་ལ
iiif viewer powered by OpenSeadragon
