| e-texts navigator |
| Wylie |
391a1 བའི་དམ་ཚིག་ནི། ཆོས་རྣམས་ཐམས་ཅད་དངོས་མེད་པར།། སྣ་ཚོགས་འབྱུང་ཞིང་རྣམ་པར་འཕྲོ།། དེ་བཞིན་དྲི་ཡི་དངོས་པོ་ཡང་།། ཡོད་པ་མ་ཡིན་ཀུན་དུ་མནམ།། ཐེ་ཚོམ་མེད་པའི་ཤེས་རབ
391a2 ཀྱིས།། ཆོས་ཀུན་དེ་ལྟར་ཤེས་པར་གྱིས།། དྲི་ཡིས་རབ་ཏུ་ཚིམ་འགྱུར་ཡང་།། དྲི་དང་དངོས་པོ་གཉིས་སུ་མེད།། དངོས་གྲུབ་ཐམས་ཅད་དེ་ལྟར་རོ།། ཆོས་ཐམས་ཅད་རོ་ལྟར་ཤེས་པར་བྱ་བའི་དམ་ཚིག་ནི། ཆོས་རྣམས
391a3 མ་ལུས་ཐམས་ཅད་ཀུན།། གཞི་རྩ་མེད་ལས་ཐམས་ཅད་ཕྱུང་།། དེ་བཞིན་དབང་པོ་དངོས་མེད་དང་།། རྫས་ཀྱི་དངོས་པོ་མེད་པ་ཡི།། རྣམ་ཤེས་དབང་པོ་ཡུལ་ཚོགས་ན།། རོ་ཡི་དབང་པོ་ཐམས་ཅད་འགྲུབ།། རོ་དང་རོ།
391a4 རུ་རྟོགས་པ་ཡང་།། རང་བཞིན་མེད་པ་སྐད་ཅིག་མ།། ཆོས་ཐམས་ཅད་རེག་བྱ་ལྟར་ཤེས་པར་བྱ་བའི་དམ་ཚིག་ནི། གཟུགས་རྣམས་དབུ་བ་རྡོས་པ་འདྲ།། ཚོར་བ་ཆུ་ཡི་ཆུ་བུར་བཞིན།། མཚན་འཛིན་སྨིག་རྒྱུ་བཞིན་དུ
391a5 གནས།། རྣམ་ཤེས་སྒྱུ་མས་དབང་སྒྱུར་ན།། མཚན་མ་སྣ་ཚོགས་འབྱུང་བར་ངེས།། བདེ་བའི་རོ་མཆོག་ཀུན་ཀྱང་མྱོང་།། དེ་ཉིད་བསོད་ནམས་ཚོགས་ཆེན་ཏེ།། བདེ་བ་ཆགས་མེད་ཡེ་ཤེས་ཡིན།། རེག་གི་དངོས་གྲུབ་དེ
391a6 ལྟར་རོ།། འདུས་བྱས་རྣམ་པར་དག་པ་ཞེས་བྱ་བའི་དམ་ཚིག་ནི།། ཡང་དག་ཉིད་ལ་གནས་བཅས་ན།། ཕྱི་ནང་སྣོད་བཅུད་རྣམ་པར་དག། རགས་པར་སྣང་བ་དེ་བཞིན་གཤེགས།། སྒྱུ་མར་འཛིན་པ་ཡུམ་གྱི
iiif viewer powered by OpenSeadragon
