| e-texts navigator |
| Wylie |
38b1 ར་གཟུངས་མར་བཤད།། ཧ་ནི་མཚན་མེད་འདུས་མ་བྱས།། སྟེང་རྒྱན་ཐུགས་རྗེ་ཆེན་པོ་ཉིད།། རཱ་ནི་ཆགས་པ་བདེ་ཆེན་ཉིད།། གསུངས་རབ་རྒྱ་མཚོ་སྒྲ་མཐའ་ཡས།། ཧཱུཾ་སྡུད་ཕཊ་ཀྱིས་སྒྲོལ་བ་ནི།། སྐྱེ་བ་མེད་པའི
38b2 ང་དུ་བཤད།། ཧ་བརྒྱད་དགྱེས་པའི་ཐིག་ལེ་སྟེ།། རགས་པ་ཐབས་ཀྱི་ཁྲོ་མོ་སྟེ།། རྒྱལ་བ་ཀུན་གྱི་སྲས་མཆོག་སྟེ།། ལས་ཀྱི་སྲིན་མོ་འདུལ་ཕྱིར་ཡིན།། དགྱེས་པའི་ཐིག་ལེ་ཕྲ་མོ་བརྒྱད།། ཧེ་ཞེས་ཞིབ་བུར་བརྗོད་པ
38b3 ལས།། འཁོར་འདས་དབྱེར་མེད་ཕྲ་མེན་བརྒྱད།། སྲིན་མོ་ཕྲ་མེན་འདུལ་ཕྱིར་ཡིན།། འཇིག་རྟེན་ལས་སྐྱེ་རྒུན་ཟད་ཅིང་།། གཉིས་མེད་ཡེ་ཤེས་རྣམ་སྤྲུལ་པ།། དེས་ནི་འཇིག་རྟེན་སྤངས་པའི་ལྷ།། བཛྲ་ཞེས་ནི་བཤད
38b4 པ་ཡིན།། ཞི་བས་དཀར་མོའི་རང་བཞིན་ཏེ།། ཆེ་བའི་ཡོན་ཏན་མཐུས་རྐུ་བས།། སེར་མོ་རྐུ་བྱེད་ཡིན་པར་བཤད།། མ་ལུས་རྨོངས་བྱེད་ཆགས་མདོག་དམར།། ནག་མོ་དྲག་པོས་ཐལ་བྱེད་མ།། མི་མཚོན་བག་ཆགས
38b5 མེད་པའོ།། ཆེ་བའི་ཡོན་ཏན་ང་རྒྱལ་འཆང་།། སྤོས་མོ་རང་བཞིན་ཡིན་པར་བཤད།། སྤང་ལེན་རྟོག་འཇོམས་ཕ་རོལ་ཕྱིན།། སྨེ་ཤ་ཅན་ནི་གདོལ་པ་མོ།། འབར་ཞིང་བརླག་པས་གཏུམ་མོ་སྟེ།། སྤྲུལ་པ་འགྱེད་པ་མ
38b6 ཚོགས་མ།། ཟ་བ་སེང་གདོང་ཆེན་མོ་སྟེ།། དཔའ་བརྟུལ་སྤྱོད་པ་སྟག་གི་གདོང་།། བག་ཆགས་བྲལ་བས་ཝ་ཡི་མགོ།། དུར་ཁྲོད་འཇོམས་པས་སྦྲང་མོར་བརྗོད།། དམ་ཚིག་མཐར་ཕྱིན་བཞད་གདོང་སྟེ།། བདག
iiif viewer powered by OpenSeadragon
