| e-texts navigator |
| Wylie |
38a1 བསྔགས་པ་ཡིན། མ་ཧཱ་ཆེན་པོ་ལྔ་ཉིད་དེ།། ཐིག་ལེ་ཆེན་པོ་ལས་བྱུང་བ།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་ཆེན་པོ་ལྔ་ཉིད་དོ།། ཉོན་མོངས་ལྔ་འཇོམས་ཁྲོ་བོ་ནི།། ཧེ་རུ་ཀ་ཞེས་བརྗོད
38a2 པ་སྟེ།། ཡེ་ཤེས་འབར་བའི་མཚན་ཉིད་ནི།། ཁྲག་འཐུང་ལྔར་ནི་བཤད་པ་ཡིན།། ཐབས་ཀྱི་ཡུལ་ལྔ་བཅོམ་པ་ནི།། མ་ཧཱ་ཙཎྜ་ཞེས་བརྗོད་དེ།། ཁྲོ་བས་ཁྲོ་བ་སྤངས་པ་ནི།། གཏུམ་པོ་ཆེན་པོ་དེ་ཉིད་དོ།། མ་རུངས་པ
38a3 དང་བདུད་བཞི་དང་།། དམ་ཚིག་སྡང་བ་ཐམས་ཅད་ནི།། བདག་དང་གཞན་འཚེ་བར་གཅོད་དང་། ཐམས་ཅད་སརྦ་དུཥྚཱན་ཉིད།། གསང་བའི་ཐབས་ཆེན་མ་རུངས་པ།། གང་གིས་འཇོམས་པ་ཧ་ཀ་སྟེ།། གཉེན་པོས
38a4 འཇོམས་པ་ཧ་ན་ཉིད།། གང་གིས་ད་ཧ་འཇོམས་པ་ཉིད།། བག་ཆགས་ཟད་འཚེད་ཡིན་ནམ། པ་པ་ཙ་ཉིད།། ཧཱུཾ་ནི་ཐུགས་ཀྱི་རང་བཞིན་ཏེ།། ཟད་དང་སྒྲོལ་དང་དྲག་པོའི་སྒྲ།། འདིར་ནི་ཕཊ་ཞེས་སྐུལ་བར
38a5 བཤད།། ཡེ་ཤེས་རང་བཞིན་སྐྱེ་མེད་པ།། ཟབ་མོ་ཐིག་ལེ་འདུས་མ་བྱས།། ཨོཾ་ཞེས་ཕྲ་མོ་ཡུམ་ལྔར་བརྗོད།། རིགས་ལྔ་ཕྲ་བར་གང་བརྗོད་པ།། བཛྲ་ལ་སོགས་བཤད་པ་ལྔ།། མི་རིག་སྤྱོད་རྟེན་མི་ནུས་པ།། ཡུམ་ཆེན
38a6 ལྔ་ཞེས་བཤད་པའོ།། ཡུལ་དང་ཤེས་པ་གཉིས་མེད་པ།། ཟབ་མོ་ཐིག་ལེ་འདུས་མ་བྱས།། ཀུན་གྱི་འབྱུང་གནས་དབྱིངས་ཕྱུག་མ།། ཤྭ་རི་དབང་ཕྱུག་ལྔར་བཤད་པའོ།། གང་གིས་གང་འཛིན་མི་གཏོང་པ།། དེ་ཉིད་དྷ
iiif viewer powered by OpenSeadragon
