| e-texts navigator |
| Wylie |
389a1 ཞིང་།། དོན་རྣམས་བསྒྲུབ་པ་ཞེས་བྱ་བའི་དམ་ཚིག་ནི།། རྡོ་རྗེ་རིགས་ཀྱིས་ཐམས་ཅད་བཅོམ།། རིན་ཆེན་རིགས་ཀྱིས་ཡོན་ཏན་འབྱིན།། པདྨ་རིགས་ཀྱིས་ཆགས་མེད་འགྱུར།། སྐུ་གསུང་ཐུགས་དང
389a2 ཡེ་ཤེས་ལྔ།། ཐམས་ཅད་དོན་རྣམས་རྫོགས་པར་བྱས།། གཟུང་དང་འཛིན་པ་རྣམ་སྤངས་ཏེ།། མཉམ་པའི་དབྱིངས་ལ་སེམས་ཀྱིས་ལྟ།། སྐྱེ་འཆི་མེད་པ་ལྷུན་གྱིས་གྲུབ།། སྐུ་གསུང་ཐུགས་དང་ཡོན་ཏན་དང་།། ཕྲིན
389a3 ལས་རྨད་འབྱུང་ཀུན་གྲགས་པ།། གཞན་ན་ཡོད་འོང་མ་ཡིན་ཏེ།། རང་བྱུང་ཡེ་ཤེས་གནས་མེད་ཡིན།། མཐོང་བའི་ཚུལ་གྱིས་གཟུགས་སྣང་དང་།། བླ་མེད་བྱང་ཆུབ་སྐུར་སྣང་བ།། མེ་ལོང་ལྟ་བུའི་ཚུལ་བཞིན་དུ།། སྣ
389a4 ཚོགས་ཁ་དོག་དབྱིབས་སུ་སྣང་།། དེ་བཞིན་གཤེགས་པའི་གསུང་རྣམས་ནི།། སྒྲ་དང་མིང་ཚིག་ཀུན་ལས་འདས།། བརྗོད་མེད་རང་བཞིན་ཀུན་དུ་གོ།། ཉོན་མོངས་མེད་ཅིང་བླ་མེད་སྒྲ།། མ་བརྗོད་སྟོང་གསུམ
389a5 གྲགས་པ་ཡི།། གསུང་བརྗོད་བསམ་གྱིས་མི་ཁྱབ་པ།། བརྗོད་པ་ཉིད་ན་སྟོང་གསུམ་མེད།། དེ་ཉིད་སྣ་ཚོགས་བརྗོད་པའོ།། ཐམས་ཅད་མཁྱེན་པའི་ཐུགས་ལྡན་པ།། ཡང་དག་རྟོགས་པས་རབ་བརྟགས་པ།། གཞི་རྩ
389a6 མེད་དབྱིངས་སྐད་ཅིག་མ།། མཐའ་དང་དབུས་ཀྱང་བརྟག་ཏུ་མེད།། དེ་ཉིད་སྣ་ཚོགས་འབྱུང་བའི་རྒྱུ།། སུས་ཀྱང་མ་བཅོས་མ་བྱས་པ།། བདག་གིས་བདག་ཀྱང་དམིགས་མི་འགྱུར།། དངོས་མེད་ཀུན་ལ་དབང་སྒྱུར
iiif viewer powered by OpenSeadragon
