| e-texts navigator |
| Wylie |
386b1 ན།། གཉིས་མེད་བྱང་ཆུབ་སེམས་འཕྲོས་ན།། ཀུན་གྱི་འབྱུང་གནས་བྱེད་པ་པོ།། དེ་ཡིས་མ་བྱས་གང་ཡང་མིན།། ཁ་དོག་དབྱིབས་རིགས་གང་ཡང་མིན།། ཤིན་ཏུ་བརྟག་དཀའ་སུས་མི་རིག། བདག་གིས་བདག་ཀྱང
386b2 མི་མཐོང་ན།། གཞན་གྱིས་རྟོགས་པར་ག་ལ་འགྱུར།། ཐམས་ཅད་སྦྱོར་བྱེད་ཅེས་བྱ་བའི་དམ་ཚིག་ནི།། ཡེ་ནས་ལྷ་དང་ལྷ་མོ་ཡིན།། དཀྱིལ་འཁོར་ཡང་དག་སྦྱོར་བ་དང་།། དབང་པོ་ཡུལ་དུ་སྦྱོར་བའོ།། ཕུང་པོ་ལྔ
386b3 ཉིད་དེ་བཞིན་གཤེགས།། འབྱུང་བ་ལྔ་ཉིད་ཡུམ་དུ་སྦྱོར།། དུས་བཞིའི་ལྷ་མོ་ཉིད་དུ་སྦྱོར།། རྟག་ཆད་མུ་བཞི་ཁྲོ་མོའོ།། ཐམས་ཅད་མ་ལུས་འབྱུང་བ་ཀུན།། མཉམ་པའི་དབྱིངས་དང་རིག་པར་སྦྱོར།། ཡང་ན་ཤེས
386b4 རབ་དབྱིངས་མ་ལ།། བདེར་གཤེགས་དཀྱིལ་འཁོར་ཀུན་བཀོད་ལ།། བདག་ཉིད་རིག་པའི་ལྷར་བསྒོམས་ཏེ།། གཉིས་སུ་མེད་པར་ལྡན་པར་བྱ།། རྡོ་རྗེ་དྲིལ་བུ་ལྡན་གྱུར་ནས།། བྱང་ཆུབ་པདྨ་ཤིན་ཏུ་སྤྲོ།། ཕྱོགས
386b5 དུས་དཀྱིལ་འཁོར་མཉེས་པ་དང་།། འགྲོ་བ་མང་པོ་བདེ་ཐོབ་ནས།། སླར་ཡང་གཉིས་མེད་དབྱིངས་སུ་བསྟིམ།། ཟིམ་འགྱུར་དབྱིངས་ནས་ཕྱག་རྒྱར་འབར།། བདེར་གཤེགས་ཐབས་དང་ཤེས་རབ་རྫོགས།། ཕྱག་རྒྱ
386b6 དྲུག་ཀྱང་ཡང་དག་རྫོགས།། བསོད་ནམས་ཚོགས་ཆེན་གཉིས་ཀྱང་རྫོགས།། ཐམས་ཅད་དབྱིངས་སུ་འབྱོར་པས་ན།། ངན་འགྲོ་མི་ལྟུང་ཡང་དག་འགྲུབ།། འདི་ནི་བསྒྲལ་བ་ཆེན་པོ་ཡིན།། སྒྲོལ་བ་ཉིད་ནི་སྦྱོར་བ
iiif viewer powered by OpenSeadragon
