| e-texts navigator |
| Wylie |
385b1 བཞིན་འོད་གསལ་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན།། རང་རིག་ཡེ་ནས་དག་པ་ཡི།། སུས་ཀྱང་མ་བཅོས་ངང་གིས་གསལ།། མ་ཆགས་པདྨ་འདྲ་བ་ཡི།། ཡེ་ཤེས་སྤྱན་གྱི་སྤྱོད་ཡུལ
385b2 དེ།། ཀུན་དང་ཐུན་མོང་དེ་མ་ཡིན།། དེ་བཞིན་གཤེགས་པའི་སྤྱོད་ཡུལ་དེ།། སྐྱེས་བུ་བློ་རྩལ་རབ་ཀྱིས་རྟོགས།། ཐམས་ཅད་དབྱིངས་ཕྱུག་མ་ཞེས་བྱ་བའི་དམ་ཚིག་ནི། མི་ཟད་ཡོན་ཏན་གཏེར་གྱུར་པ།། ཟད་པའི
385b3 དུས་མེད་ཡིད་བཞིན་མཛོད།། བདག་དང་བདག་གི་མེད་པ་ཡི།། ཤིན་ཏུ་ཟབ་པའི་བློ་ལས་བྱུང་།། ཆོས་དབྱིངས་ཟབ་མོའི་དོན་རྟོགས་ན།། སྐུ་དང་ཡེ་ཤེས་བསམ་མི་ཁྱབ།། རང་རིག་ཡེ་ཤེས་དོན་རྟོགས་ན།། སྐྱེ་ཤི
385b4 མེད་པའི་གཡུང་དྲུང་ཐོབ།། བྱང་ཆུབ་སྡོམ་བྱེད་ཅེས་བྱ་བའི་དམ་ཚིག་ནི།། གཟུང་འཛིན་བྲལ་བའི་ཡེ་ཤེས་ཀྱིས།། ཆགས་མེད་དབྱིངས་ལ་མཉམ་བཞག་ན།། ཐམས་ཅད་དེ་བཞིན་ཉིད་ཀྱི་ཞིང་།། ཉོན་མོངས་སྡུག
385b5 བསྔལ་འབྱུང་མི་འགྱུར།། ཆོས་ཀྱི་རང་བཞིན་ཇི་ལྟ་བུར།། བདག་གིས་ཡང་དག་རྫོགས་བྱས་ཏེ།། ཐེག་པ་དམན་དང་ཕྱིན་ཅི་ལོག། ཐམས་ཅད་མཉམ་པའི་དབྱིངས་སུ་དགོད།། ཕྱོགས་དུས་གཉིས་མེད་ཅེས་བྱ་བའི
385b6 དམ་ཚིག་ནི།། ཕྱོགས་བཅུ་དུས་བཞི་ཐམས་ཅད་ཀྱང་།། རྟོགས་པའི་མཚན་མ་སོ་སོར་སྣང་།། སྣང་བ་ཉིད་ན་དབྱེར་མེད་དེ།། མཐའ་དང་དབུས་མེད་ཟླུམ་པོ་ཡི།། དེ་བཞིན་རང་གིས་རིག་པ་ཡང་།། མཐའ་དང
iiif viewer powered by OpenSeadragon
