| e-texts navigator |
| Wylie |
385a1 ཉིད་ལས་ནི་གཞན་ན་མེད།། སེམས་དང་ཆོས་སུ་དབྱེར་མེད་པས།། བྱང་ཆུབ་ལམ་དེ་རིང་བ་མིན།། གང་ནས་མ་འོངས་གར་མི་འགྲོ།། རྟོག་མེད་རང་རིག་ཁོ་ན་ཙམ།། སངས་རྒྱས་སེམས་ཅན་སེམས
385a2 ལ་གནས།། བརྗོད་མེད་སྤྲོས་མེད་ཅེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི།། སྣ་ཚོགས་ཇི་སྙེད་བརྗོད་པ་ཡང་།། སོ་སོའི་མཚན་ཉིད་མ་གཏོགས་པ།། བ་སྤུ་ཙམ་ཡང་བརྗོད་པ
385a3 མེད།། བསོད་ནམས་ཆེན་པོས་བསྟངས་པ་ཡི།། སངས་རྒྱས་ཞིང་ཉིད་དག་པའོ།། ལས་ངན་དག་གིས་ཁམས་གསུམ་གནས།། དེ་ཉིད་དབྱིངས་ལས་སྤྲོས་པ་མེད།། མི་འགྱུར་རྡོ་རྗེ་གསུང་ཞེས་བྱ་བའི་དམ་ཚིག་ནི།།
385a4 རྣམ་དག་སྐུ་གསུང་སྤྲུལ་པ་དང་།། ཆེ་མཆོག་སྣ་ཚོགས་བསྟན་པ་ཡང་།། བྱང་ཆུབ་སེམས་ལ་སྣང་འགྱུར་ཏེ།། སྣང་བ་ཉིད་ན་དབྱིངས་སུ་འུབ།། ཕྱིན་ཅི་ལོག་གཡོ་བསམ་ཡས་ཀྱིས།། ཁམས་གསུམ་གནས་དང་ལམ
385a5 ལྔར་འཁོར།། དེ་ཉིད་ལོག་རྟོགས་སྣ་ཚོགས་སྣང་།། དེ་ལས་མ་གཏོགས་གང་ཡང་མེད།། ཡེ་ནས་མ་བཙལ་ཞེས་བྱ་བའི་དམ་ཚིག་ནི། བློ་མེད་བྱང་ཆུབ་སྣརོན་མི་དགོས།། འགྲོ་ལྔ་མ་ལུས་ཐམས་ཅད་ཀུན།། ཡེ་ནས
385a6 བྱང་ཆུབ་སྙིང་པོར་གནས།། དེ་བཞིན་དབྱིངས་ཀྱིས་ཀུན་ཏུ་ཁྱབ།། ཇི་ལྟ་བ་ཡི་དང་གནས་ལ།། དེ་ལྟར་རྟོགས་པའི་བློ་འཇུག་པས།། གཉིས་སུ་མེད་པར་རྟོགས་འགྱུར་ན།། སུ་ཞིག་བཅོས་ཤིང་སུ་ཡིས་རྟོགས།། རང
iiif viewer powered by OpenSeadragon
