| e-texts navigator |
| Wylie |
384b1 གནས།། སྐྱེ་འཁྲུངས་མ་ལུས་གཞི་ཡང་ཡིན།། ཐམས་ཅད་ཀུན་གྱི་རྒྱུ་ཡང་ཡིན།། དེ་བཞིན་ཤེས་རབ་རྣམ་གསུམ་གྱིས།། ལེ་ལོ་མེད་པའི་བརྩོན་པ་འབོད།། དེ་བཞིན་དབྱིངས་ཉིད་རྟོགས་གྱུར་ན།། བླ་མེད་བྱང་ཆུབ
384b2 འབྱུང་བའི་གནས།། ཆོས་ལ་སྐྱོན་མེད་ཅེས་བྱ་བའི་དམ་ཚིག་ནི། བླ་ན་མེད་པའི་དཀྱིལ་འཁོར་དང་།། ངན་སོང་གནས་རྣམས་མ་ལུས་ཀུན།། རྒྱུ་ཉིད་རང་བཞིན་གཉི་ག་དག། རང་བཞིན་ཡེ་ཤེས་དེ་བཞིན
384b3 འབྲས་བུ་རྣམ་པར་དག་པ་ཡི།། འཇིག་རྟེན་བརྟན་གཡོ་ལ་སོགས་པ།། སྣང་བ་ཉིད་ན་ངོ་བོ་མེད།། དེ་ཉིད་ཆོས་སྐུ་ཆེན་པོ་ཡིན།། སེམས་ཅན་དོན་བྱེད་ཅེས་བྱ་བའི་དམ་ཚིག་ནི། བྱང་ཆུབ་སེམས་སུ་དོན་གཅིག
384b4 པས།། རྩ་བ་སྙིང་རྗེ་ཆེན་པོ་འབྱུང་།། ཐབས་ཀྱིས་ཕ་རོལ་ཕྱིན་པ་སྤྱོད།། ཉོན་མོངས་ལམ་ནས་འགྲོ་བར་བྱེད།། ཉོན་མོངས་ཁམས་གསུམ་གནས་པ་ཡང་།། ཕྱིན་ཅི་ལོག་ཉིད་སྣང་བ་ཡིན།། དེར་རྟོགས་མཐོ
384b5 རིས་ཐར་པའོ།། རྟོགས་ནས་དོན་འཛིན་ཅེས་བྱ་བའི་དམ་ཚིག་ནི། ཐམས་ཅད་ལྷུན་གྱིས་གྲུབ་པ་དང་།། སྒྱུ་མ་མིག་ཡོར་ཚུལ་ཤེས་པ།། གཉིས་ག་རང་རིག་ཉིད་དུ་འདུས།། དེ་ཉིད་ཡང་དག་ཡིན་པར་བཤད།། སྒྲ
384b6 དང་ཚིག་ཏུ་བརྗོད་པ་ནི།། ཡང་དག་དོན་གྱི་སྙིང་པོ་འབྱིན།། མིང་ཚིག་སྒྲ་ལ་མི་རྟེན་པར།། བློ་ཡི་གཏིང་དུ་གོ་བར་བྱ།། སེམས་ལ་གནས་བཅས་ཞེས་བྱ་བའི་དམ་ཚིག་ནི། ཐམས་ཅད་མ་ལུས་ཆོས་སོ་ཅོག། སེམས
iiif viewer powered by OpenSeadragon
