| e-texts navigator |
| Wylie |
384a1 དཀྱིལ་འཁོར་རོ།། རང་རིག་བྱང་ཆུབ་དཀྱིལ་འཁོར་ཏེ།། ཐམས་ཅད་ཀུན་ནས་འཁྱིལ་བར་གནས།། ཟད་མེད་གཏེར་ཆེན་ཞེས་བྱ་བའི་དམ་ཚིག་ནི།། ཟག་བཅས་གནོད་སྦྱིན་ནོར་དང་འདྲ།། སེམས
384a2 ཅན་འཕེལ་འགྲིབ་ཟད་འགྱུར་གྱི།། དེ་བཞིན་གཤེགས་པའི་ཡོན་ཏན་ནི།། ཟད་མེད་འཕེལ་འགྲིབ་མེད་པ་ཡི།། མང་པོ་སྤྲོས་པས་འཕྲོ་མི་འགྱུར།། ཉུང་ངུ་བསྡུས་པས་སྦོམ་པོ་མིན།། ཟད་མེད་རིན་ཆེན་གཏེར་ཡིན
384a3 པས།། ཐམས་ཅད་ཀུན་ལ་ཁྱབ་པའོ།། རྣམ་དག་བྱང་ཆུབ་ཅེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན།། ཡེ་ནས་རྣམ་པར་དག་པ་ལ།། རྣམ་རྟོག་རྐྱེན་གྱིས་གློ་བུར་དུ།། ཁམས་གསུམ་འཁོར་བའི
384a4 བཙོན་རར་གནས།། རང་རིག་སྒྲིབ་མེད་དག་པ་ཡིས།། མྱ་ངན་འདས་དང་འཁོར་བ་གཉིས།། རང་བཞིན་མེད་པར་དོན་རྟོགས་ན།། སངས་རྒྱས་ཞིང་དུ་རྣམ་པར་དག། གཟུང་འཛིན་དྲིལ་བྱེད་ཅེས་བྱ་བའི་དམ་ཚིག
384a5 ཕྱིན་ཅི་ལོག་ཏུ་རྣམ་བརྟགས་ན།། བདག་དང་བདག་གིར་སོ་སོར་སྣང་།། དེ་ལ་འཛིན་པ་གཉིས་ཞུགས་ནས།། རང་བཞིན་མེད་བཞིན་སོ་སོར་སྣང་།། ཡང་དག་རྟོགས་པས་རབ་བརྟགས་ན།། དངོས་པོ་ཐམས
384a6 ཅད་སྟོང་པ་ཡིན།། དངོས་དང་དངོས་ཉིད་མི་གནས་པ།། དེ་རྟོགས་སྡུག་བསྔལ་བྲལ་བྱེད་ཡིན།། ཡུམ་འགྱུར་དབྱིངས་ཕྱུག་མའི་དམ་ཚིག་ནི།། འབྱུང་བ་ལྔ་ལ་བརྟེན་འགྱུར་ན།། ཐམས་ཅད་འབྱུང་ཞིང་མ་ལུས
iiif viewer powered by OpenSeadragon
