| e-texts navigator |
| Wylie |
383b1 བའི་དམ་ཚིག་ནི། དེ་བཞིན་ཞིང་ཁམས་བསམ་ཡས་དང་།། འགྲོ་བ་མ་ལུས་ཐམས་ཅད་ལ།། ཐར་པ་རྣམས་ལ་དག་པའི་སྐུ།། རྟོག་པ་ཅན་ལ་འཁོར་བའི་ལུས།། སོ་སོར་འཚམ་པར་དོན་སྟོན་ཅིང་།། སྟོན་པ་ཉིད་ལ
383b2 དངོས་པོ་མེད།། ཆུ་ཟླའི་ཚུལ་དུ་ཀུན་ལ་སྣང་།། ཀུན་ལ་དེ་ལྟར་རྟོགས་པར་བྱོས།། ལྷུན་གྲུབ་བདེ་གནས་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ལ།། བྱང་ཆུབ་སྙིང་པོ་ཡོད་པ་ལྟར།། རང་བཞིན
383b3 ཡེ་ནས་འོད་གསལ་བའི།། བྱང་ཆུབ་སྙིང་པོར་ཐམས་ཅད་འདུས།། ཕྱི་ནང་མ་ལུས་ཐམས་ཅད་ཀུན།། བདག་གི་ངང་དུ་གནས་པས་ན།། བདག་ལ་བདག་གིས་དབང་བསྒྱུར་ནས།། སྤྱོད་ཡུལ་ཐམས་ཅད་སྨོན་མི
383b4 དགོས།། ཆེ་མཆོག་རྣམ་དག་ཅེས་བྱ་བའི་དམ་ཚིག་ནི། རིག་པའི་རྒྱལ་པོ་རང་གྱུར་པས།། ཐམས་ཅད་ཀུན་ལ་དབང་བསྒྱུར་ཏེ།། གོང་ན་མེད་པའི་ས་མནན་པས།། ཐམས་ཅད་ཀུན་གྱི་གཙོ་བོ་ཡིན།། ཐམས་ཅད་མ
383b5 ལུས་གཉིས་མེད་པས།། བསྒོ་དང་བསྒོ་བར་བྱ་བ་མིན།། དེ་བཞིན་ཉིད་ལ་དབང་བསྐུར་བས།། ཐམས་ཅད་དབྱིངས་སུ་རོ་གཅིག་གོ། ཆོས་ཐམས་ཅད་ཀྱི་དཀྱིལ་འཁོར་ཞེས་བྱ་བའི་དམ་ཚིག་ནི། ཕྱི་ནང་སྣོད་བཅུད
383b6 བདག་རྣམས་ལ།། རང་བཞིན་དཀྱིལ་འཁོར་ཡེ་ནས་གནས།། ཆེན་པོའི་གཟུགས་སྣང་ཐམས་ཅད་ནི།། དེ་བཞིན་གཤེགས་པའི་དཀྱིལ་འཁོར་ཉིད།། སྒྱུ་མའི་རྩལ་རྣམས་འཛིན་འགྱུར་བའི།། དེ་བཞིན་ཡུམ་གྱི
iiif viewer powered by OpenSeadragon
