| e-texts navigator |
| Wylie |
383a1 བཞིན་མེད་ལ་ཅིར་ཡང་སྣང་།། སྣང་བ་ཉིད་ན་དབྱིངས་ཉིད་དེ།། དེ་ལྟར་རྟོགས་པའི་ཡེ་ཤེས་ནི།། ཀུན་ལ་དབང་སྒྱུར་རང་དབང་ཅན།། ཐམས་ཅད་ཚིག་གི་སྒྲ་ལྟར་སྣང་།། འདི་ནི་ཡེ་ཤེས་གསུང
383a2 མཆོག་ཡིན།། བསམ་ཡས་ཡེ་ཤེས་རྡོ་རྗེ་གསུང་ཞེས་བྱ་བའི་དམ་ཚིག་ནི། ཆོས་རྣམས་བསམ་གྱིས་མི་ཁྱབ་སྟེ།། མཐའ་དང་དབུས་མེད་ཀུན་དུ་ཁྱབ།། ཁྱབ་དང་ཁྱབ་མེད་རྡོ་རྗེའི་གསུང་།། སྒྲ་སྐད་སྣ་ཚོགས་བསྒྲགས
383a3 པ་དང་།། དངོས་པོ་མེད་ལ་དངོས་པོའི་སྒྲ།། ཇི་ལྟར་པི་བང་ལག་ཐོགས་ན།། སྒྲ་ནི་སྣ་ཚོགས་འབྱུང་འགྱུར་ཡང་།། དངོས་པོ་མེད་པ་དེ་བཞིན་ཉིད།། ཕྱོགས་དུས་དབྱེར་མེད་ཅེས་བྱ་བའི་དམ་ཚིག་ནི། ཕྱོགས་བཅུ་མ
383a4 ལུས་ཐམས་ཅད་དང་།། དུས་བཞིར་འབྱུང་བ་མ་ལུས་ཀུན།། ཕྱོགས་དང་སྔ་ཕྱི་མེད་པ་ཡི།། ཐམས་ཅད་དེ་བཞིན་ཉིད་ཀྱི་དབྱིངས།། འཇིག་རྟེན་འདས་དང་འཇིག་རྟེན་པའི།། སོ་སོར་སྣང་བ་ཐམས་ཅད་ཀུན།། རང
383a5 རིག་རྒྱལ་པོར་ཡང་དག་འདུ།། རང་རིག་དེ་ཉིད་ཐམས་ཅད་ཡིན།། འཇིགས་མེད་རྡོ་རྗེ་ཞེས་བྱ་བའི་དམ་ཚིག་ནི། འདུས་མ་བྱས་ཉིད་འདུས་བྱས་ཡིན།། འདུས་བྱས་སྣང་དང་མི་སྣང་གཉི་ག་མིན།། ཡོད་དང་མེད
383a6 པའང་དབྱེར་མེད་དེ།། རང་བཞིན་ཡེ་ནས་དག་པ་ཡི།། མ་བཅོས་མ་བྱས་ངང་གིས་གསལ།། འཇིག་དང་གཞིག་པར་བྱ་བ་མིན།། ཅིས་ཀྱང་མི་ཚུགས་རྡོ་རྗེའི་བདག། ཅེས་གསུངས་སོ།། དེ་བཞིན་སྐུ་ཉིད་ཅེས་བྱ།
iiif viewer powered by OpenSeadragon
