| e-texts navigator |
| Wylie |
382b1 ཁམས་རབ་འབྱམ་ན།། དེ་བཞིན་གཤེགས་པའི་དཀྱིལ་འཁོར་དང་།། སྤྲུལ་པ་བསམ་ཡས་འབྱུང་བ་ཡང་།། ཡེ་ཤེས་སྤྲུལ་པར་དག་པའི་ཡུལ།། ཡི་གེ་མེད་འཇལ་ཞེས་བྱ་བའི་དམ་ཚིག་ནི།། ཡི་གེ་ཚིག་དང་སྒྲ་སྤངས
382b2 པའི།། བརྗོད་མེད་ངང་དུ་གནས་པ་ནི།། གསུང་ཉིད་རང་བཞིན་མེད་པ་ཡི།། ཆོས་རྣམས་ཐམས་ཅད་ཡེ་ནས་དག། ཐམས་ཅད་ཐུགས་སུ་གྱུར་པས་ན།། སྒྲ་དང་ཚིག་ལ་གནས་པ་མིན།། ཐུགས་ལ་ཐུགས་ནི་མི
382b3 གནས་པའོ།། བདུད་སྡེ་ཚར་གཅོད་ཅེས་བྱ་བའི་དམ་ཚིག་ནི། ཉོན་མོངས་པ་ཉིད་རྣམ་པར་དག། ཕུང་པོ་ལྔ་ཉིད་མངོན་སངས་རྒྱས།། བདག་ཉིད་ལྷ་ཡི་དཀྱིལ་འཁོར་ཏེ།། སྐྱེ་ཤི་མེད་པའི་གཡུང་དྲུང་གནས།། བདུད
382b4 བཞི་བཅོམ་པའི་སྐྱེས་མཆོག་གིས།། དྲེགས་པ་ཆེན་པོ་ཐམས་ཅད་བཅོམ།། མ་རིག་ལོག་འདྲེན་འདུལ་བཅད་དེ།། ཆོས་ཀྱི་དབྱིངས་སུ་ཐམས་ཅད་ཐིམ།། སྟོང་གསུམ་ཀུན་གྲགས་ཞེས་བྱ་བའི་དམ་ཚིག་ནི། ཐུགས་རྗེ
382b5 ཆེན་པོའི་བྱིན་བརླབས་ཀྱིས།། ཕྱོགས་བཅུའི་འཇིག་རྟེན་རྡུལ་སྙེད་དུ།། འགྲོ་བའི་ཕྲིན་ལས་བསམ་མི་ཁྱབ།། སྐུ་གསུང་ཐུགས་དང་ཡོན་ཏན་དང་།། ལྷུན་གྱིས་གྲུབ་པའི་ཡེ་ཤེས་ཀྱི།། ཐམས་ཅད་གདུལ་བྱ་ཆུད་མ
382b6 ཟོས།། ངན་སོང་སྦྱོང་ཞིང་བྱང་ཆུབ་ཞིང་།། ཡེ་ཤེས་རྫོགས་ཆེན་ཀུན་ཏུ་སྟོན།། ཡེ་ཤེས་གསུང་མཆོག་ཅེས་བྱ་བའི་དམ་ཚིག་ནི། འདས་དང་མ་འདས་ཐམས་ཅད་ཀུན།། ཡང་དག་ཤེས་པས་རབ་བརྟགས་ན།། རང
iiif viewer powered by OpenSeadragon
