| e-texts navigator |
| Wylie |
381b1 རྟོགས་ཏེ།། རྟག་ཏུ་ཡངས་པ་ཆེན་པོ་བསྒོམ།། རྒྱུ་འབྲས་དུས་གཅིག་རྫོགས་པ་ཡི།། རང་རིག་ཉིད་ལ་དབང་ཐོབ་སྟེ།། ཚེ་ནི་བཅུ་དང་དྲུག་པ་ཡིན།། བརྒྱད་རྒྱ་དག་ཏུ་བསྣུར་ཞིང་གནས།། ལུས་མ་བོར་བར་སངས
381b2 རྒྱས་པའོ།། ཟད་མེད་གཏེར་ལྡན་ཞེས་བྱ་བའི་དམ་ཚིག་ནི། ཤེས་རབ་ཆེན་པོ་རྣམ་དག་པས།། སྤྱོད་ཡུལ་ཐམས་ཅད་དག་པར་འགྱུར།། ཤེས་དང་སྤྱོད་ཡུལ་གཉིས་སུ་མེད།། དེ་བཞིན་ཉིད་དུ་རོ་གཅིག་སྟེ།། ཐམས
381b3 ཅད་རྒྱལ་བའི་ཞིང་སྦྱོར་བས།། ཟད་མེད་རིན་ཆེན་གཏེར་དུ་འགྱུར།། མི་ཟད་པར་ལྡན་དམ་ཚིག་མཆོག། འོག་མིན་མཐའ་དབུས་བསམ་མི་ཁྱབ།། བསྒྲུབ་མེད་མཉམ་རྫོགས་ཞེས་བྱ་བའི་དམ་ཚིག་ནི། ཐམས་ཅད
381b4 མཉམ་པའི་དཀྱིལ་འཁོར་ལ།། རང་བྱུང་ཡེ་ཤེས་འཕྱོ་བ་ཡི།། དབྱིངས་དང་རིག་པ་གཉིས་མེད་པའི།། དེ་བཞིན་ཉིད་དེ་རྡོ་རྗེའི་རིགས།། ཐམས་ཅད་གཉིས་སུ་མེད་པ་ལ།། བསྒྲུབ་དང་སྒྲུབ་པ་ཡོད་མ་ཡིན།། ཡེ་ནས
381b5 ལྷུན་གྱིས་གྲུབ་པ་ལ།། དེ་ལ་ལམ་གྱིས་བཅོས་སུ་མེད།། ཐམས་ཅད་བྱིན་གྱིས་རློབ་པ་ཞེས་བྱ་བའི་དམ་ཚིག་ནི། ཆོས་རྣམས་ཡེ་དག་གྱུར་པ་ཡང་།། ཕྱིན་ཅི་ལོག་གི་བློ་ལོག་ནས།། ལོག་རྟོག་གནས་ན་ལོངས་སྤྱོད
381b6 པ།། མ་རིག་འཁྲུལ་འཁོར་བསམ་མི་ཁྱབ།། འཁྲུལ་རྟོག་ངན་པ་བཟློག་པའི་ཕྱིར།། ཐུགས་རྗེ་ཆེན་པོ་ཐབས་མཁས་པས།། ཉོན་མོངས་འདྲེན་ཅིང་མཐོ་རིས་གནས།། བྱང་ཆུབ་ལམ་ཆེན་རྟོགས་པར་སྟོན།། གསུང
iiif viewer powered by OpenSeadragon
