| e-texts navigator |
| Wylie |
380b1 པའོ།། འདྲེན་བྱེད་གནས་སྟོབས་ཞེས་བྱ་བའི་དམ་ཚིག་ནི།། མ་རིག་ལོག་རྟོག་བསམ་ཡས་ཀྱིས།། འཇིག་རྟེན་ཁམས་རྣམས་བསམ་ཡས་པ།། འཁོར་བའི་རྒྱུ་དང་འབྲས་བུ་གཉིས།། གཞི་རྩ་མེད་པའི་སྐད་ཅིག
380b2 མ། ཡང་དག་བྱང་ཆུབ་སེམས་རིག་ན།། མ་རིག་རྒྱུ་འབྲས་རྣམ་པར་དག། ཉོན་མོངས་པ་ཉིད་བྱང་ཆུབ་སྟེ།། ཐམས་ཅད་མ་ལུས་བདེ་གནས་སོ།། ལམ་ལྔ་སྟོན་བྱེད་ཅེས་བྱ་བའི་དམ་ཚིག་ནི།། ཏིང་འཛིན་རྣམ
380b3 གསུམ་བསྒོམ་བྱས་ཏེ།། ཉོན་མོངས་ལམ་ལྔའི་སྒོ་བཀག་ནས།། ལམ་ལྔར་སྣང་བ་རྣམ་རྟོག་ཡིན།། རྟོག་དང་མི་རྟོག་གཉི་ག་མེད།། གཉིས་མེད་དེ་ནི་ཡང་དག་ལམ།། ཐབས་དང་ཤེས་རབ་ངང་ཉིད་དུ།། ཤིན་ཏུ
380b4 མཉམ་བཞག་རྟོགས་བྱ་ཞིང་།། བླ་ན་མེད་པ་སྟོན་པར་བྱ།། ཡང་དག་དོན་སྟོན་ཞེས་བྱ་བའི་དམ་ཚིག་ནི། ཐེག་པ་བསམ་ཡས་སྟོན་པ་ཡང་།། དེ་བཞིན་ཉིད་ཀྱིས་མ་བརྗོད་ཀྱང་།། སེམས་ཅན་བློ་ཡི་རིམ་པ
380b5 བཞིན།། སོ་སོར་འཚམ་པར་ཀུན་ལ་གསལ།། འདི་ནི་རྡོ་རྗེ་ཐེག་མཆོག་སྟེ།། རྒྱ་མཚོ་ཀླུང་དུ་ཆུ་འབབ་བཞིན།། ཐམས་ཅད་ཆུ་ཡི་ངོ་བོ་ཉིད།། ཐེག་པ་ཐམས་ཅད་རྡོ་རྗེའི་ས།། རབ་ཏུ་རྟོགས་བྱེད་ཅེས་བྱ་བའི་དམ
380b6 ཚིག་ནི། ཤེས་རབ་བློ་ཆེན་རབ་ལྡན་པས།། དོན་དུ་མི་འགྱུར་ཡོང་མ་གསུངས།། སྲིད་གསུམ་འགྲོ་བ་བསམ་ཡས་སུ།། ཐུགས་རྗེ་སྙོམས་པ་བསམ་མི་ཁྱབ།། དོན་དང་མཐུན་པ་འབའ་ཞིག་སྟོན།། མི་མཐུན་ཞགས་པ
iiif viewer powered by OpenSeadragon
