| e-texts navigator |
| Wylie |
380a1 སྔགས་ཆེན་པོ་གྲུབ་འདོད་པས།། གཟུང་འཛིན་བྲལ་བའི་ཡེ་ཤེས་ཐོབ།། ཆོས་ཀྱི་དབྱིངས་དང་སེམས་ཅན་ནི།། གཉིས་མེད་དེ་བཞིན་ཉིད་དུ་གཅིག། དེ་ལྟར་རྟོགས་པའི་སྐྱེས་བུ་ནི།། རྡོ་རྗེ་བཞུགས
380a2 གནས་ཡིན་པར་བཤད།། མི་འཇིགས་པའི་རྒྱལ་མཆོག་ཅེས་བྱ་བའི་དམ་ཚིག་ནི། རྣམ་པར་བྱང་དང་ཉོན་མོངས་གཉིས།། སོ་སོ་ཡོད་པ་མ་ཡིན་ཏེ།། ཉོན་མོངས་གཉེན་པོས་བཅོས་སུ་མེད།། ཐམས་ཅད་དབྱིངས་སུ
380a3 རོ་གཅིག་པས།། དེ་ལ་འཇིགས་པའི་གཉེན་པོ་མེད།། ཅིས་ཀྱང་མི་ཚུགས་གོང་ན་མེད།། མཆོག་ཏུ་བདེ་བའི་ཞིང་ཡང་ཡིན།། ང་མེད་བདག་མེད་རྒྱལ་བའི་མཆོག། གཞལ་ཡས་ཁང་བརྟན་ཞེས་བྱ་བའི་དམ་ཚིག
380a4 ནི།། ཕྱོགས་བཅུ་དུས་བཞི་ཐམས་ཅད་ཀུན།། རྒྱལ་བའི་ཞིང་དུ་སྦྱོར་བ་ནི།། དོག་ཡངས་ཚད་ཀྱང་དཔག་ཏུ་མེད།། སངས་རྒྱས་སྤྱི་གཙུག་ལྟ་བུའི་མཚན།། ཡེ་ཤེས་རྒྱུ་ལས་གྲུབ་པའོ།། ཇི་ལྟར་དམིགས་པ་བཞིན་དུ
380a5 འགྲུབ།། ཟག་པ་ཟད་ལས་གྲུབ་པ་ཡི།། ནམས་ཀྱང་འཇིགས་མེད་ཆོས་ཀྱི་དབྱིངས།། སྣ་ཚོགས་ཀུན་སྦྱོར་ཞེས་བྱ་བའི་དམ་ཚིག་ནི། གདོལ་པ་ཅན་གྱི་ཆོས་མིན་པས།། ཅི་ལྟར་བསམས་པ་བཞིན་དུ་འགྲུབ།། རིག
380a6 པ་རང་དབང་གྱུར་པས་ན།། སྟོང་པར་བྱའམ་མི་སྟོང་བྱ།། ཐམས་ཅད་དབྱེར་མེད་ངང་ཡིན་པས།། ཁ་དོག་དབྱིབས་དང་རིན་པོ་ཆེ།། ཐམས་ཅད་ཁྱབ་པར་ཡུངས་འབྲུའི་ཚུལ།། བསམ་ཡས་མཐའ་དབུས་མེད
iiif viewer powered by OpenSeadragon
