| e-texts navigator |
| Wylie |
37b1 བའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་དགྱེས་ཆེན་པོ།། ཕྱོགས་དུས་བདེ་གཤེགས་ངོ་བོ་ཉིད།། ཟ་བྱེད་ཐབས་དང་ཤེས་རབ་ཀྱི།། གསུང་གི་བྱིན་རླབས་སྣང་བར་མཛད།། དེ་ཚེ་ཕྱི་ནང་སྣོད་བཅུད
37b2 བཅས།། གཡོ་དང་འབར་ཞིང་གང་བ་ཡིས།། མ་ལུས་ཡེ་ཤེས་བྱིན་བརླབས་ནས།། བདེ་བ་ཆེན་པོར་གསལ་བར་བྱེད།། གང་དུ་རྟོགས་གོམས་བརྟན་པ་ཡིས།། ཐབས་དང་ཤེས་རབ་ལས་བྱུང་བའི།། བདེ་བའི་ཐིག
37b3 ལེ་ཐུག་པ་མེད།། ཡེ་ཤེས་ལྔ་ཞེས་གང་བཤད་པ།། རྒྱལ་བ་ཀུན་གྱི་སྙིང་པོ་ལྔ།། ས་བོན་ཡི་གེ་ཨོཾ་ཞེས་བཤད།། ཐོག་མཐའ་མེད་པའི་དེ་བཞིན་ཉིད།། གཉིས་མེད་མི་ཕྱེད་འཇོམས་པས་ན།། ཐུགས་ཀྱི་རྡོ་རྗེ་གང་ཡིན
37b4 པ།། བཛྲ་ཞེས་ནི་བརྗོད་པ་ཡིན།། མ་བཅོས་དེ་བཞིན་ཡེ་ཤེས་ནི།། རེ་དོགས་འགྲོ་འོང་མེད་སོན་པས།། ཆོས་ཀྱི་དབྱིངས་ཀྱི་སྐུ་ལས་གྱུར།། ཏ་ཐཱ་ག་ཏ་ཞེས་བརྗོད་དོ།། མ་ལུས་རང་བྱུང་རིན་པོ་ཆེ།། ནམ་མཁའ་ལྟ།
37b5 བུར་ཟག་མེད་ཅིང་།། དབང་བསྐུར་ཐོགས་མེད་ཡེ་ཤེས་ནི།། རཏྣ་ཞེས་པ་བརྗོད་པ་ཡིན།། འཁོར་བའི་བག་ཆགས་སྤོང་བ་ནི།། བདེ་བ་ཆེན་པོ་སྐྱོན་མེད་པ།། འདོད་ཆགས་ཆགས་བྲལ་བཅོམ་པ་ཉིད།། པདྨ་ཉིད་ནི
37b6 ཡིན་པར་བཤད།། ཐོགས་མེད་བརྩོན་འགྲུས་ཕ་རོལ་ཕྱིན།། བྱ་བྱེད་ཕྲིན་ལས་མཐར་ཕྱིན་པ།། འགྲོ་འོང་མེད་པའི་ཐབས་ཉིད་ནི།། ཀརྨ་ལས་ཀྱི་རང་བཞིན་ཉིད།། ཤྲཱི་གཉིས་མེད་ཡེ་ཤེས་ཏེ།། དོན་གྲུབ་ལྔར་ནི
iiif viewer powered by OpenSeadragon
