| e-texts navigator |
| Wylie |
37a1 དོན་དུ་གསལ།། རང་བྱུང་གཉིས་མེད་ཐིག་ལེ་ཡིས།། མ་ལུས་སྟོང་པར་མཛད་པ་ཡི།། རྡོ་རྗེ་ཁྲོ་བོའི་ཕྲིན་ལས་ཏེ།། ཟ་བྱེད་ཅེས་ཀྱང་བཤད་པ་ཡིན།། གང་དུ་རྒྱུ་བ་ཀུན་ཟད་པའི།། ཕྱི་ནང་གསང
37a2 བའི་ཐིག་ལེ་ནི།། རྟེན་དང་བརྟེན་པར་བཅས་པ་ནི།། ཟག་མེད་བདེ་ཆེན་དང་དུ་ཐིམ།། རང་རིག་དངོས་དང་དངོས་བྲལ་བའི།། མཐའ་དབུས་གཟུང་འཛིན་ཡུལ་འདས་པས།། སྐྱེ་མེད་བདེ་ཆེན་ཆོས་ཀྱི
37a3 དབྱིངས།། བདེན་པ་དབྱེར་མེད་དོན་དུ་གནས།། ཚིག་དང་ཡི་གེ་ལས་འདས་པའི།། བདེ་ཆེན་ལྷན་ཅིག་སྐྱེས་པ་ནི།། གང་གིས་མཚོན་པ་ལས་འདས་ཀྱང་།། དབང་དང་མན་ངག་སྟོབས་ལས་ཀྱང་།། ཐབས་དང
37a4 ཤེས་རབ་འབྲེལ་བ་ཡི།། རང་བྱུང་ཡེ་ཤེས་བདེ་ཆེན་ནི།། རང་བཞིན་སྦྱངས་ལས་སྣོད་གྱུར་པའི།། སྐལ་ལྡན་རྣམས་ཀྱི་སྤྱོད་ཡུལ་ཏེ།། ལས་ངན་སྒྲོ་སྐུར་དབང་བྱས་ཤིང་།། རྨོངས་སོགས་དམན་པའི་ཡུལ་མ
37a5 ཡིན།། གསང་བ་ཟབས་ཆེན་སྙིང་པོའི་རྒྱུད།། སངས་རྒྱས་ཀུན་གྱི་གསང་ཆེན་འདི།། བདེ་ཆེན་ནམ་མཁར་ཀུན་གསལ་ནས།། ཡིན་དང་མ་ཡིན་ཡུལ་ལས་འདས།། ཕྱོགས་བཅུའི་རྡུལ་སྙེད་སངས་རྒྱས་ཀྱི།། ཐུགས
37a6 ཀྱི་ཐུགས་ཏེ་ཐུགས་ཀྱི་མཆོག། མ་ལུས་གསང་མཆོག་རྒྱན་གྱིས་མཛེས།། དེ་ལྡན་རྒྱལ་སྲས་དེ་བཞིན་གཤེགས།། ཞེས་ཉིད་ལ་ཉིད་གསུངས་སོ།། སྒྱུ་འཕྲུལ་རྒྱ་མཚོའི་རྒྱུད་ལས། རྡོ་རྗེ་ཁྲོ་བོ་རང་བཞིན་མངོན་དུ་ཕྱུང
iiif viewer powered by OpenSeadragon
