| e-texts navigator |
| Wylie |
379b1 བར་མ་ངེས་པའི།། ཡེ་ཤེས་རྟོགས་པའི་ཁྱད་པར་གྱིས།། དུས་བཞི་སྔ་ཕྱི་མེད་པ་ཡི།། མཉམ་པ་ཉིད་དུ་ལྷན་ནེར་སྦྱོར།། ལྷུན་གྲུབ་ཅེས་བྱ་བའི་དམ་ཚིག་ནི།། འཇིག་རྟེན་འདས་དང་འཇིག་རྟེན་པའི།། ཐམས་ཅད
379b2 དབྱེར་མེད་བྱང་ཆུབ་སྟེ།། ཡེ་ནས་རྣམ་པར་དག་པའི་ཆོས།། མ་བཅོས་ལྷུན་གྱིས་གྲུབ་པ་ཡི།། བྱང་ཆུབ་ལམ་ཆེན་འདི་ཡིན་ཏེ།། ཐམས་ཅད་དབྱེར་མེད་ཉིད་དུ་འདུས།། བྱང་ཆུབ་དོན་སྒྲུབ་ཡེ་ནས་རྫོགས།། མཉམ
379b3 པའི་ཞིང་དུ་ཐམས་ཅད་ཐིམ།། རྡོ་རྗེ་སྐྱེ་གནས་ཞེས་བྱ་བའི་དམ་ཚིག་ནི། ཐེག་པ་ཆེ་མཆོག་རིགས་སུ་ངེས།། རིགས་ཏེ་བྱང་ཆུབ་བསྟན་པས་གཟུང་།། ཐམས་ཅད་མཉམ་པའི་དབྱིངས་ཤེས་ན།། རིགས་མཆོག་ཀུན
379b4 གྱི་སྐྱེ་གནས་ཡིན།། སྐྱེས་པ་ཉིད་ན་སྐྱེས་པ་མེད།། ལས་དང་ལས་ཀྱི་བག་ཆགས་མེད།། ཅིས་ཀྱང་མ་གོས་ཐམས་ཅད་འཇོམས།། སྐྱེ་ཤི་མེད་པའི་ས་ཡང་ཡིན།། བྱང་ཆུབ་ཀྱི་ཞིང་བཀོད་པའི་དམ་ཚིག་ཅེས་བྱ་བ
379b5 ནི།། ཕྱོགས་བཅུ་མཐའ་ཡས་མུ་མེད་པའི།། སྣང་གྲགས་བསམ་གྱིས་མི་ཁྱབ་པའི།། ཕྱི་དང་ནང་གི་གནས་པ་དག། དེ་བཞིན་ཉིད་ཀྱི་དབྱིངས་སུ་ཐིམ།། མདོར་ན་ཞིང་ཁམས་མ་ལུས་པར།། ཡོན་ཏན་རིན་ཆེན་བཀོད
379b6 པ་ཡི།། ཡེ་ཤེས་རྒྱན་གྱིས་སྤྲོས་པ་རྣམས།། ཞིང་དེ་ཡོན་ཏན་བསམ་མི་ཁྱབ།། ཡེ་ཤེས་བཞུགས་གནས་ཞེས་བྱ་བའི་དམ་ཚིག་ནི། གཟུང་འཛིན་བྲལ་བའི་ཡེ་ཤེས་ནི།། དེ་བཞིན་གཤེགས་པ་ཀུན་གྱི་གནས།། གསང
iiif viewer powered by OpenSeadragon
