| e-texts navigator |
| Wylie |
379a1 གནས་རྣམས་སྟོངས་པར་བྱེད།། རང་བཞིན་གྱིས་འོད་གསལ་བ་ཞེས་བྱ་བའི་དམ་ཚིག་ནི། འཇིག་རྟེན་འདི་ན་ཅི་ཡོད་པ།། མིང་དང་ཐ་སྙད་འཛིན་པ་དག། སོ་སོའི་མཚན་ཉིད་གཞིག་བྱས་ན།། རང
379a2 བཞིན་མེད་དེ་ཡང་དག་ཉིད།། རང་བྱུང་ཆེན་པོའི་ཡེ་ཤེས་ཀྱིས།། ཐམས་ཅད་སངས་རྒྱས་ཞིང་དུ་སྦྱོར།། མ་བཅོས་མ་བྱས་ངང་གིས་གསལ།། ཡེ་ནས་འོད་གསལ་སངས་རྒྱས་ཞིང་།། ཉིད་ཀྱི་དཀྱིལ་འཁོར་ཞེས་བྱ
379a3 བའི་དམ་ཚིག་ནི། རང་བཞིན་ཉིད་ལ་གནས་པ་ཡི།། སུས་ཀྱང་མ་བྱས་རང་བྱུང་སྟེ།། ཐམས་ཅད་དེ་བཞིན་ཉིད་དུ་སྦྱོར།། གཉིས་མེད་དབྱིངས་ཀྱི་ངང་དུ་ཐིམ།། རང་བྱུང་ཡེ་ཤེས་དཀྱིལ་འཁོར་གྱིས།། མ་ལུས་དེ
379a4 བཞིན་ཉིད་དུ་སྡུད།། སྡུད་དང་མི་སྡུད་གཉི་ག་མེད།། ཡང་དག་ཁོ་ན་ཉིད་དུའོ།། བདེ་བའི་ངང་ཉིད་ཅེས་བྱ་བའི་དམ་ཚིག་ནི།། ཐམས་ཅད་མ་ལུས་རྣམ་པར་དག། ཉིད་ཀྱི་དབྱིངས་ལས་མི་གཞན་ཕྱིར།། བདེ་དང་མི
379a5 བདེ་གཉིས་ཀ་མེད།། ཐམས་ཅད་དབྱིངས་སུ་རོ་གཅིག་སྟེ།། ཇི་བཞིན་ཉིད་ཀྱི་ངང་བཙན་པར།། ཡང་དག་ཉིད་ཀྱིས་དེ་སྐད་གསུངས།། བཤད་དང་ཉན་པའང་གཉི་ག་མེད།། དེ་བཞིན་ཉིད་དུ་གཉི་ག་འདུ།། དུས
379a6 བཞི་རྒྱལ་མཆོག་ཅེས་བྱ་བའི་དམ་ཚིག་ནི། གོང་ན་མེད་པའི་ཡེ་ཤེས་མཆོག། ཐམས་ཅད་ཀུན་ལ་དབང་བསྒྱུར་ཏེ།། ཐམས་ཅད་མཉམ་པ་ཉིད་དུ་སྦྱོར།། འདས་དང་མ་འདས་ཐམས་ཅད་དང་།། འབྱུང་དང་འབྱུང
iiif viewer powered by OpenSeadragon
