| e-texts navigator |
| Wylie |
377b1 འགྱུར།། གཞན་ཡང་ལོངས་སྤྱོད་ཐམས་ཅད་ལ།། དབང་བྱར་མེད་ཅིང་གཞན་དབང་འགྱུར།། མདོར་ན་ཉོན་མོངས་སྡུག་བསྔལ་འགྲུབ།། ཕྲག་དོག་ཡང་དག་རྟོགས་པ་ནི།། ང་དང་བདག་ཏུ་འཛིན་པ་དང་།། ཕྱིན་ཅི།
377b2 ལོག་ལ་ཕྲག་དོག་སྟེ།། ཐམས་ཅད་གཉིས་སུ་མེད་པར་སྦྱོར།། བདེ་བ་མཆོག་ཀྱང་འགྲུབ་པར་འགྱུར།། གཉིས་མེད་དོན་ཡང་རྟོགས་པར་འགྲུབ།། ང་མེད་བདག་མེད་དབྱིངས་སུ་ཐིམ།། ལྷུན་གྲུབ་དོན་མཆོག་འགྲུབ
377b3 པར་འགྱུར།། ཡིད་ལ་ལྷ་ནི་རྟག་བསྒོམས་ན།། རྒྱུ་འབྲས་ལྷུན་གྱིས་གྲུབ་པ་ཡི།། བདག་གིས་ཀུན་ཏུ་དབང་བསྒྱུར་ཏེ།། རིག་འཛིན་གནས་སུ་སྐྱེ་བར་འགྱུར།། རྡོ་རྗེའི་རིགས་ཀྱིས་བསྒྲུབ་བྱ་བ།། སྒྲོལ་དང་སྦྱོར་བས
377b4 མཐར་ཕྱིན་འགྱུར།། སྦྱོར་བ་ཉིད་ནི་སྒྲོལ་བ་ཡིན།། རང་བཞིན་གྱིས་ནི་སྦྱོར་སྒྲོལ་དང་།། སྒྲོལ་བ་ཉིད་ན་སྦྱོར་བ་ཡིན།། ཏིང་ངེ་འཛིན་གྱིས་སྦྱོར་སྒྲོལ་དང་།། དབང་པོའི་ཡུལ་དུས་སྦྱོར་སྒྲོལ་དང་།། ཐབས་ཆེན་དག
377b5 གི་སྦྱོར་སྒྲོལ་དང་།། མངོན་དུ་ཕྱུང་བའི་སྦྱོར་སྒྲོལ་ལོ།། ཡང་ན་སྦྱོར་སྒྲོལ་བདག་ལ་སོགས།། ཤེས་རབ་དབྱིངས་དང་བདག་ཏུ་སྦྱོར།། ཐབས་ཆེན་སྤྲུལ་པ་བསམ་མི་ཁྱབ།། དབྱིངས་དང་དབྱིངས་སུ་ཐམས་ཅད
377b6 སྒྲོལ།། རོལ་པའི་ཕྲིན་ལས་བསམ་མི་ཁྱབ།། ཐུགས་རྗེ་སྤྲུལ་པ་བསམ་མི་ཁྱབ།། སྦྱོར་སྒྲོལ་ཕྲིན་ལས་བདག་ལ་རྫོགས།། བྱང་ཆུབ་སེམས་སྦྲུལ་ཕྱོགས་བཅུར་འཕྲོ།། ངན་སོང་གནས་རྣམས་སྟོངས་པར་བྱེད།། རིག
iiif viewer powered by OpenSeadragon
