| e-texts navigator |
| Wylie |
377a1 འགྱུར།། ཐུགས་རྗེ་ཆེན་པོའི་ཞེ་སྡང་ནི།། འཁོར་བའི་མྱ་ངན་སྒོ་བཅད་ཅིང་།། བདེར་གཤེགས་ལམ་དུ་འཛུད་པར་བྱེད།། ཡང་དག་དོན་དང་ལྡན་པར་འགྱུར།། ཐུགས་རྗེ་ཚུལ་གྱིས་ཁྲོ་སྟོན
377a2 ཞིང་།། ཤིན་ཏུ་མཉམ་པའི་ངང་དུ་འཇོག། རྡོ་རྗེ་སེམས་དཔའི་ཞི་བ་ཡིས།། ཡང་དག་མཆོག་གི་བདེ་བ་འགྲུབ།། ཡེ་ཤེས་གསལ་བའི་བདེ་བ་ནི།། བདག་དང་བདག་གི་དབྱེར་མེད་དེ།། རང་བཞིན་མེད་པའི་དབྱིངས
377a3 སུ་རོལ།། ཐམས་ཅད་བརྗོད་དུ་མེད་པའི་ངང་།། ཀུན་དུ་ཁྱབ་པའི་སྐུ་མངའ་བ།། ཤིན་ཏུ་འོད་གསལ་རྣམ་དག་ལམ།། བྱང་ཆུབ་སེམས་དཔའི་སྒྲིབ་པ་སྦྱོང་།། སེམས་ཅན་ཉོན་མོངས་དུག་སེལ་འགྱུར།། ཐམས་ཅད
377a4 ཞིང་སྦྱོང་ང་རྒྱལ་ནི།། ཡོན་ཏན་བསྐྱེད་པའི་མཛོད་ཡིན་ཏེ།། ང་མེད་བདག་མེད་མི་དམིགས་ལ།། སུ་ཞིག་དེ་ལ་ང་རྒྱལ་སྐྱེད།། དཔུང་བཞིའི་ཚོགས་ཀྱིས་མི་ཐུབ་པའི།། ཤིན་ཏུ་རྒྱལ་བའི་ཁྱུ་མཆོག་འགྲུབ།། ལྷ་སྲིན།
377a5 བདུད་སྡེ་ཚར་བཅད་པའི།། དཔའ་བར་འགྲོ་བའི་ཏིང་འཛིན་ཐོབ།། ཕྲག་དོག་ཡངས་པའི་དོན་སྦྱོར་བ།། ང་དང་བདག་མེད་དོན་རྟོགས་ན།། དོག་དང་ཡངས་པ་གཉིས་མེད་དེ།། བདེ་མཆོག་དཀྱིལ་འཁོར་ཡངས་པ
377a6 འགྲུབ།། ཕྲག་དོག་དངོས་པོ་མི་ཤིས་ཤིང་།། ང་དང་བདག་ཏུ་འཛིན་འགྱུར་ན།། ལྷ་མ་ཡིན་གྱི་གནས་སུ་སྐྱེ།། དེ་ནས་ཡི་དྭགས་གནས་སུ་འགྲོ།། གལ་ཏེ་ཡུལ་ས་རྙེད་གྱུར་ན།། ཤིན་ཏུ་མི་བདེ་དོག་པར
iiif viewer powered by OpenSeadragon
