| e-texts navigator |
| Wylie |
376b1 དང་ཐོད་པ་ཁ་གདངས་སོ།། ཟླ་གམ་དང་། པདྨ་དང་། ཆགས་མེད་དེ། ཕྱག་རྒྱ་རྣམ་པ་བདུན་ལ་ཕྱག་རྒྱ་ཆེན་པོ་དང་། ཆོས་ཉིད་ཀྱི་ཕྱག་རྒྱ་དང་། དམ་ཚིག་གི་ཕྱག་རྒྱ་དང་། ལས་ཀྱི་ཕྱག་རྒྱ་དང་། ཐབས་དང་།
376b2 ཤེས་རབ་ཀྱི་ཕྱག་རྒྱ་དང་། ཏིང་ངེ་འཛིན་གྱི་ཕྱག་རྒྱ་དང་། ལྷག་པའི་ཏིང་ངེ་འཛིན་གྱི་ཕྱག་རྒྱའོ།། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཧོམ་རྣམ་བཞིའི་ལེའུ་སྟེ་བདུན་ཅུ་བཞི་པའོ།། །། དེ་ནས་དེ་བཞིན
376b3 གཤེགས་པ་རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས། རྨད་དུ་བྱུང་བའི་དམ་ཚིག་བཅོ་ལྔ་མདོ་འདི་ལྟར་ཡང་།། བཤད་དེ། ཐམས་ཅད་མཁྱེན་པའི་ཡེ་ཤེས་ཀྱིས།། ཐམས་ཅད་མཉམ་པའི་ངང་ཉིད་དུ།། དབྱིངས
376b4 སུ་རོ་གཅིག་དེ་བསྡུས་ཏེ།། དོན་དུ་མི་འགྱུར་ཡོང་མ་གསུངས།། ཡོན་ཏན་མཆོག་གི་འདོད་པ་ནི།། སྣང་སྲིད་མ་ལུས་ཐམས་ཅད་ཀུན།། མཉམ་པའི་ཞིང་དུ་སྦྱོར་བས་ན།། ཆགས་པ་མེད་པའི་ཚུལ་དུ་སྤྱོད།། འདི་ནི
376b5 རྣམ་དག་ལེགས་པའི་ལམ།། བྱང་ཆུབ་མཆོག་ཏུ་འགྲོ་བའི་གནས།། བདེ་ཆེན་མི་ཟད་གཏེར་དུ་འགྱུར།། ཅིས་ཀྱང་མི་ཚུགས་རྡོ་རྗེའི་སྒྲ།། ཉོན་མོངས་སྡུག་བསྔལ་འདོད་ཆགས་ནི།། ལུས་དང་ཟས་ཀྱིས་བསྒྲིབས
376b6 འགྱུར་ཏེ།། ཡི་དྭགས་གནས་ནས་གནས་སུ་འགྲོ།། སྒོམ་དང་བཀྲེས་པས་ཉོན་མོངས་འགྱུར།། རྣག་ཁྲག་ངན་སྐྱུགས་རྟག་ཏུ་མཐོང་།། བདེ་ལ་སྤྱོད་པའི་དབང་ཡང་མེད།། རྩུབ་ཅིང་གདུག་པས་བསྲུང་བར
iiif viewer powered by OpenSeadragon
