| e-texts navigator |
| Wylie |
375b1 པ་བཞིན་དུ་འགྲུབ།། སྦྲུལ་དང་གཅན་གཟན་གདུག་པ་རྣམས།། ཁྱི་བཞིན་ཕྱི་བཞིན་འབྲང་བར་འགྱུར།། བདུད་དང་གདུག་པ་ལ་སོགས་པས།། ཚུགས་པར་མི་འགྱུར་བྲན་བཞིན་འགྱུར།། ལུས་མ་སྤངས་པར་རིག
375b2 འཛིན་ས།། ཡེ་ཤེས་བསོད་ནམས་ལོངས་སྤྱོད་ཀྱིས།། ཡི་གེ་འཁོར་ལོ་ཚོགས་མཆོག་བརྙེས།། ཐུགས་རྗེ་སྤྲུལ་པའི་བྱིན་བརླབས་ཀྱིས།། སོ་སོར་ཐར་པའི་ལམ་ཡང་སྟོན།། འགྲོ་བ་མ་ལུས་དོན་ཡང་བྱེད།། ལས
375b3 རྣམས་ཐམས་ཅད་ཀུན་བྱས་ནས།། སྐྱེ་འཆི་མེད་པའི་གཡུང་དྲུང་ཐོབ།། མཚན་དང་དཔེ་བྱད་ཀུན་གྱིས་བརྒྱན།། བསོད་ནམས་ཡེ་ཤེས་ཚོགས་ཆེན་ལྡན།། མཐར་ཕྱིན་བྱ་བ་མེད་པ་འགྲུབ།། བསྒྲུབ་མེད་སྤངས་མེད
375b4 ཆོས་ཀྱི་དབྱིངས།། འགྲོ་མེད་འོང་མེད་དེ་བཞིན་ཉིད།། དེ་ལྟར་བསྒྲུབས་ཏེ་བསྒོམས་བྱས་ན།། འབྲས་བུ་མངོན་དུ་མ་གྱུར་ཀྱང་།། ཚེ་རབས་སྐྱེ་བ་ཐམས་ཅད་དུ།། ལས་ངན་ཀུན་དུ་སྐྱེ་མི་འགྱུར།། ཐེག་པ་དམན་པར
375b5 ཡོང་མི་འགྱུར།། རྡོ་རྗེ་རིགས་མཆོག་འཛིན་པར་འགྱུར།། ཞེས་རྡོ་རྗེ་གསང་བའི་ཚིག་ཏུའོ།། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཤིན་ཏུ་གསང་བར་བྱ་བ་རྒྱུད་དངོས་གྲུབ་ཐོབ་པར་བྱ་བའི་ལེའུ་སྟེ་བདུན་ཅུ
375b6 གསུམ་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཧོམ་རྣམས་ཀྱི་ཕྲིན་ལས་འདི་གསུངས་སོ།། དང་པོར་དེ་བཞིན་ཉིད་དུ་གསལ་ཞིང་འདྲིས་པར་བསྒོམ།། དེ་ནས་བདག་གི་སྙིང
iiif viewer powered by OpenSeadragon
