| e-texts navigator |
| Wylie |
374b1 པ་སྨོན་པས་འགྲུབ།། ཡངས་ཤིང་རྒྱ་ཆེ་ལྷུན་གྲུབ་ནི།། ཕྱི་ནང་སྣོད་བཅུད་ཡེ་ནས་དག། དག་རྟོགས་ཉིད་ཀྱང་དབྱིངས་ཉིད་ཡིན།། དེ་ནས་རྡོ་རྗེ་མཉམ་ཡིན་ནོ།། དངོས་གྲུབ་མྱུར་དུ་འགྲུབ་འདོད་ན།། ཤིན་ཏུ་ཕྲ་ཞིང
374b2 ཟབ་པར་བསྒོམ།། བདག་དང་བདག་གི་གཞན་རྣམས་ནི།། ཤིན་ཏུ་མི་དམིགས་དབྱིངས་སུ་བསྒོམ།། ཏིང་འཛིན་དེ་ནི་གོམས་པ་དང་།། ཐམས་ཅད་སྒྱུ་མ་མིག་ཡོར་དང་།། སྤྲུལ་པའི་ཚུལ་དེ་ཤེས་པར་བྱ།། དེ་བཞིན
374b3 ཡང་ནས་ཡང་གོམས་ནས།། དེ་ནས་ཕྲ་མོའི་ཏིང་འཛིན་བསྒོམ།། ཕྱི་ནང་སྣོད་བཅུད་ཧཱུཾ་དུ་བསྡུ།། གང་བསྒྲུབ་ཡི་གེ་སོ་སོ་སྟེ།། སྤྱིར་ནི་གང་བསྒོམ་ཀུན་ཏུ་འདྲ།། རྡོ་རྗེ་སེམས་དཔའ་ཉིད་དུ་འདུ།། ཡན་ལག་ལྔ་དང
374b4 རྣམ་ཤེས་ཉིད།། ཡི་གེ་ཧཱུཾ་དུ་ཤིན་ཏུ་བསྡུ།། ནརྀ་ཡི་མིག་གིས་བལྟར་ཡོད་པར།། ཡང་ནས་ཡང་དུ་འདྲིས་པ་དང་།། འོད་ཟེར་མང་པོ་འཕྲོ་བར་བྱ།། ཕྱོགས་བཅུ་དུས་བཞི་གང་བ་དང་།། སླར་ཡང་ཧཱུཾ་ལ་བསྟིམ་པར
374b5 བྱ།། ཧཱུཾ་ཉིད་མི་དམིགས་དབྱིངས་སུ་ཐིམ།། ཐིམ་འགྱུར་དབྱིངས་ནས་ཨ་དཀར་འབར།། ཤིན་ཏུ་འཚེར་བར་གསལ་བསྒོམས་ལ།། ཐམས་ཅད་ཨ་རུ་གྱུར་པར་བསྒོམ།། དེ་བཞིན་ཉིད་དུ་འདྲིས་འགྱུར་ནས།། ཨ
374b6 ལས་ཉི་མའི་དཀྱིལ་འཁོར་སྤྲོ།། ཨེ་མ་གསལ་བར་འབྱོར་འགྱུར་ནས།། ཉི་ཟླ་གང་བའི་ཉི་ཟླར་བསྒོམ།། ཧྲཱི་གསལ་པདྨ་ཆགས་མེད་བསྒོམ།། རིན་ཆེན་འབར་བའི་གཞལ་ཡས་བསྒོམ།། ཉི་ཟླ་གདན་དང་གཞལ
iiif viewer powered by OpenSeadragon
