| e-texts navigator |
| Wylie |
373a1 ཆེ།། བཀོད་པའི་གཞལ་ཡས་ཐམས་ཅད་ལ།། དབང་སྒྱུར་སྤྱོད་པའི་དངོས་གྲུབ་ཐོབ།། རྣལ་འབྱོར་གང་ཞིག་འདི་འདྲའི་དོན།། ལྗགས་ཀྱི་དབང་པོ་བཀྲམ་ནས་ནི།། གསང་དོན་ངེས་པའི་དོན་སྟོན
373a2 པ།། བླ་མེད་མཆོག་ཏུ་གྲུབ་པར་ཤོག། དབྱེར་མེད་བྱང་ཆུབ་ཐོར་ཚུགས་ཅན།། ཤིན་ཏུ་བསྟན་པའི་རི་བོ་གནས།། མུ་སྟེགས་རླུང་གིས་ཚུགས་མི་འགྱུར།། ཐེག་མཆོག་རྡོ་རྗེ་དེ་ལྟ་བུ།། དཀྱིལ་འཁོར་མི་ཟད་འབྱུང
373a3 བའི་གཏེར།། ཡིད་བཞིན་ནོར་བུ་རིན་པོ་ཆེ།། བྱི་དོར་མ་བྱས་ཤིན་ཏུ་གསལ།། བསྐལ་པ་གྲངས་མེད་གནས་བཅས་ཀྱང་།། སྐུ་ནི་ཤིན་ཏུ་གཞོན་པའི་ཚུལ།། སྐྱེ་ཤི་མེད་པ་རྡོ་རྗེ་ཡི།། ཐམས་ཅད་འབྱུང་བའི་གཏེར
373a4 ཡིན་ཏེ།། ཡོན་ཏན་ཕུན་སུམ་ཚོགས་དང་ལྡན།། བླ་མེད་བྱང་ཆུབ་འགྲུབ་གྱུར་ནས།། ཡེ་ཤེས་རྡོ་རྗེ་ལྷུན་གྲུབ་ཤོག། ཚོགས་ཆེན་གཉིས་ཀྱང་རྫོགས་གྱུར་ཅིག། ཐམས་ཅད་ཀུན་གྱི་སྟོན་པ་པོ།། ཐམས་ཅད་མཁྱེན
373a5 པའི་གོ་འཕང་བརྙེས།། སངས་རྒྱས་ཞིང་ལ་དབང་བྱེད་ཤོག། དེ་རྟོགས་ཀུན་ཀྱང་རྡོ་རྗེའི་རིགས།། སྐུ་གསུང་ཐུགས་ཀྱང་གྲུབ་པར་ཤོག། རྣལ་འབྱོར་པ་ཐབས་དང་ཤེས་རབ་དང་ལྡན་པ་རྣམས་ཀྱིས། དུས་ཐམས
373a6 ཅད་འདོད་ཡོན་ལྔ་སྤྱོད་ཅིང་བྲོ་ཐབས་བྱའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བྲོ་གར་རྩེ་འཇོའི་ལེའུ་སྟེ་བདུན་ཅུ་གཅིག་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས
iiif viewer powered by OpenSeadragon
