| e-texts navigator |
| Wylie |
372b1 འགྲོ་རྣམས་ཐམས་ཅད་ལ།། དགའ་བ་ཆེན་པོས་ཁྱབ་པར་འགྱུར།། ལུས་མ་སྤངས་པར་རིག་འཛིན་ས།། ཡུན་རིངས་ཆོས་ཀྱི་བདེ་སྤྱད་ནས།། བླ་མེད་རྡོ་རྗེ་སེམས་དཔའ་ཡིས།། དཔེ་བྱད་མཚན་གྱིས་རྣམ་པར
372b2 བརྒྱན།། མངོན་ཤེས་དྲུག་ལྡན་ཐམས་ཅད་མཁྱེན།། ཚོགས་ཆེན་གཉིས་ཀྱང་རྫོགས་པར་རོལ།། སངས་རྒྱས་ཞིང་ལ་དབང་སྒྱུར་ཏེ།། སྤྱོད་ཡུལ་ཀུན་དུ་མཎྜ་ལ།། ཇི་ལྟར་དམིགས་པ་བཞིན་དུ་འགྲུབ།། རྣལ་འབྱོར
372b3 ལས་སུ་རུང་རྣམས་ཀྱིས།། འདི་ལྟ་བུ་ཡི་ལས་རྣམས་བྱ།། འབྲས་བུ་མངོན་དུ་མ་གྱུར་ཀྱང་།། ལུས་ངག་ཡིད་ལ་དབང་ཐོབ་ནས།། སངས་རྒྱས་འབྱུང་དང་སྐར་མི་འགྱུར།། ཐེག་པ་དམན་པར་ཡོང་མི་སྐྱེ།། ངན་སོང
372b4 གསུམ་དུ་ཡོད་མི་ལྟུང་།། གནས་ངན་ལོངས་སྤྱོད་མི་བདེ་བའི།། ངན་པའི་ས་རུ་ཡོང་མི་ལྟུང་།། རྡོ་རྗེ་ཐེག་མཆོག་བརྗེད་མི་འགྱུར།། ཚེ་རིང་བདེ་བ་ཕུན་སུམ་ཚོགས།། ལུས་བྱད་བཟང་ཞིང་ཡན་ལག་རྫོགས།། དབང
372b5 པོ་ཚང་ཞིང་ལྷག་ཆད་མེད།། སྐད་གདངས་སྙན་ཅིང་འགྲོ་དོན་བྱེད།། བདག་གི་ལོངས་སྤྱོད་ཐམས་ཅད་ཀུན།། གཞན་ལ་གནོད་པ་མེད་པར་འགྲུབ།། ཚན་པོ་ཆེ་ཡི་མཐུ་སྟོབས་ལྡན།། འགྲོ་བའི་དོན་དུ་ཡང་དག
372b6 བྱེད།། གཞན་ལ་གནོད་པ་ཡོང་མི་བྱེད།། སྙིང་རྗེ་ཆེ་ཞིང་ཤེས་རབ་ལྡན།། མཐུ་སྟོབས་ཆེ་ཞིང་ཐབས་ལྡན་པ།། བདག་དང་གཞན་དོན་རྫོགས་པར་སྤྱོད།། མཐར་ནི་སྐྱེ་ཤི་མེད་པའི་ས།། སངས་རྒྱས་ཡོན་ཏན་རིན་པོ
iiif viewer powered by OpenSeadragon
