| e-texts navigator |
| Wylie |
372a1 ལྡན་བསྒོམས་ནས།། རྒྱན་ལྔ་ཡིས་ནི་རྣམ་པར་བརྒྱན།། ཡན་ལག་ལྔ་ལ་དཀྱིལ་འཁོར་བཀོད།། ཡེ་ཤེས་རྒྱན་གྱིས་ཕོ་བྲང་བརྡུང་།། གཉིས་མེད་དཀྱིལ་འཁོར་ཟླུམ་པོའི་ཚུལ།། མཐའ་དབུས་མེད་པའི
372a2 དཀྱིལ་འཁོར་དུ།། ལྷུན་གྲུབ་ཚོགས་ཆེན་བྱང་ཆུབ་ཏུ།། ཐབས་དང་ཤེས་རབ་མྱུར་གྲུབ་ཤོག། ཆོས་དབྱིངས་དམ་པ་བདག་མེད་པ།། མི་དམིགས་དབྱིངས་སུ་མ་ལུས་འདུས།། མཉམ་དང་མི་མཉམ་དབྱེར་མེད
372a3 པས།། ཐབས་དང་ཤེས་རབ་དབྱིངས་གྲུབ་ཤོག། བདེར་གཤེགས་དཀྱིལ་འཁོར་དབུ་བསྐྱོད་ན།། སངས་རྒྱས་ཞིང་ཁམས་མ་ལུས་གཡོ།། ལག་གི་འདུ་བྱེད་བསྐུལ་བསྐྱོད་ན།། རིག་འཛིན་ཞིང་ཁམས་དག་པར
372a4 བྱེད།། རྐང་ཆེན་དག་གིས་སྟབས་མཆོངས་ན།། འགྲོ་དྲུག་གནས་རྣམས་སྟོངས་པར་བྱེད།། སྤྱན་གྱིས་ཕྱོགས་བཅུ་བལྟ་བྱས་ན།། བདུད་བཞི་དཔུང་རྣམས་ཕམ་པར་བྱེད།། ཐབས་དང་ཤེས་རབ་མ་ལུས་ཀུན།། དེ་ལྟ
372a5 བུ་ཡི་དོན་གྲུབ་ཤོག། ཐམས་ཅད་མ་ལུས་དེ་བཞིན་ཏེ།། དེ་ནི་གང་ཡང་མི་དམིགས་ལ།། སྐྱེ་དང་འགག་དང་གནས་པ་དང་།། འོང་དང་འགྲོ་བའི་དངོས་པོ་མེད།། རྣལ་འབྱོར་བྲོ་གར་རྩེ་འཇོ་ཡི།། སྣ་ཚོགས་བྱེད་ལ
372a6 བྱས་པ་མེད།། དེ་ཉིད་རྣམ་པ་སྣ་ཚོགས་པ།། རྣལ་འབྱོར་ལས་རྣམས་གྲུབ་པར་ཤོག། ཐབས་དང་ཤེས་རབ་ཐམས་ཅད་ཀྱིས།། དེ་ལྟ་བུ་ཡིས་ལོངས་སྤྱོད་ན།། སངས་རྒྱས་དཀྱིལ་འཁོར་མ་ལུས་མཉེས།། སྲིད་གསུམ
iiif viewer powered by OpenSeadragon
