| e-texts navigator |
| Wylie |
371b1 འཕྲོ།། ཐབས་དང་ཤེས་རབ་ལྡན་པ་ཡི།། བདེ་བའི་དཀྱིལ་འཁོར་མཁས་པས་བསྡུ།། ཐམས་ཅད་མ་ལུས་རིགས་བཞི་ཡི།། ནང་དུ་མ་འདུས་གང་ཡང་མེད།། དེ་ཉིད་བདེར་གཤེགས་དཀྱིལ་འཁོར་ཉིད།། ཐབས་དང
371b2 ཤེས་རབ་བདེ་གྲུབ་ཤོག། རིགས་ལྔའི་དཀྱིལ་འཁོར་དབུར་བསྡུ་ཞིང་།། ཡེ་ཤེས་ལྔ་ཡི་འོད་ཟེར་འཕྲོ།། ཕྱོགས་བཅུ་གསལ་བར་གང་གྱུར་ནས།། ཐབས་དང་ཤེས་རབ་འོད་འབར་ཤོག། དེ་བཞིན་རིགས་མཆོག
371b3 འཛིན་པ་ཡི།། ཐམས་ཅད་མ་ལུས་དབྱིངས་བསྡུས་ཏེ།། ཐམས་ཅད་ཀུན་ཏུ་བཟང་པོར་སྟོན།། ཐབས་དང་ཤེས་རབ་གཙོར་གྲུབ་ཤོག། ཐུགས་རྗེ་ཆེན་པོའི་བྱིན་བརླབས་ཀྱིས།། ཕྱོགས་དུས་གནས་པ་མ་ལུས
371b4 ལ།། ཆོས་ཀྱི་འཁོར་ལོ་ཆེན་པོ་བསྐོར།། ཐབས་དང་ཤེས་རབ་མཆོག་འགྲུབ་ཤོག། འགྲོ་བ་མ་ལུས་ཐམས་ཅད་ལ།། དེ་བཞིན་ཉིད་ཀྱི་སྐུ་ཡོད་པས།། མ་མཐོང་རྨོངས་ལ་ནམ་མཁའི་མདོག། ཐབས་དང་ཤེས་རབ
371b5 དབྱིངས་གྲུབ་ཤོག། སྐུ་ནི་སྣ་ཚོགས་ཅིར་ཡང་སྣང་།། ཐབས་ཆེན་རྣམས་ལ་མཉམ་པའི་ཚུལ།། ཉན་ཐོས་རྣམས་ལ་དགྲ་བཅོམ་ཚུལ།། རང་རྒྱལ་རྣམས་ལ་བསེ་རུའི་ཚུལ།། ཕ་རོལ་ཕྱིན་རྫོགས་ཤཱཀྱའི་ཚུལ།། ལྷ་མི
371b6 རྣམས་ལ་དགེ་བཅུ་ཚུལ།། དུད་འགྲོ་རྣམས་ལ་ཨེ་ན་ཡ།། གཞན་ཡང་འགྲོ་བ་ཐམས་ཅད་ལ།། ཇི་ལྟར་འདུལ་བ་བཞིན་དུ་སྟོན།། དེ་ལྟ་བུ་ཡི་སྐུ་སྟོན་པ།། ཐབས་དང་ཤེས་རབ་སྐུ་གྲུབ་ཤོག། ཐབས་དང་ཤེས་རབ
iiif viewer powered by OpenSeadragon
