| e-texts navigator |
| Wylie |
371a1 གནས་ཚུལ་གྱིས་དབྱིངས་ན་བཞུགས།། ཐབས་དང་ཤེས་རབ་མྱུར་གྲུབ་ཤོག། ཐབས་དང་ཤེས་རབ་ལྡན་གྱུར་པས།། བྱང་ཕྱོགས་སུ་ནི་ཁ་བལྟས་ཏེ། ལུས་བསྐྱོད་ཡན་ལག་གར་བྱེད་ཅིང་།། ཕྱག་རྒྱ
371a2 སོ་སོར་གསལ་གྱུར་ནས།། རྐང་པའི་སྟབས་ཆེན་བརྡུང་བར་བྱ།། ཡང་དག་རྟོགས་པའི་ཤེས་རབ་ཀྱིས།། བསྐལ་པ་བསམ་གྱིས་མི་ཁྱབ་པའི།། སྒྲིབ་པ་ཐམས་ཅད་བྱང་བྱས་ཏེ།། ཐབས་དང་ཤེས་རབ་མྱུར་གྲུབ
371a3 ཤོག། སྐུ་གསུང་ཐུགས་ཀྱི་བྱིན་བརླབས་ཀྱིས།། བདུད་བཞི་བཅོམ་ནས་མི་མཐུན་བསལ།། བྱ་བྱེད་མེད་ལ་དོན་རྣམས་གྲུབ།། ཐབས་དང་ཤེས་རབ་མྱུར་གྲུབ་ཤོག། ཐམས་ཅད་མ་ལུས་རྫོགས་བྱེད་པ།། སྣ་ཚོགས
371a4 ཀུན་ཏུ་འགྱུར་བའོ།། ལྗང་གུའི་ཚུལ་དུ་མདོག་བསྟན་པ།། ཐབས་དང་ཤེས་རབ་མྱུར་གྲུབ་ཤོག། ཐམས་ཅད་མ་ལུས་དོན་གྲུབ་པ།། ལས་རྣམས་མ་ལུས་རྫོགས་པར་བྱེད།། ནན་ཏན་ཆེན་པོ་བྱ་བ་རྫོགས།། ཐབས
371a5 དང་ཤེས་རབ་མྱུར་གྲུབ་ཤོག། སྡུག་བསྔལ་དྲ་བ་ཚར་བཅད་དེ།། དཀྱིལ་འཁོར་མ་ལུས་ཀུན་བྱས་ཀྱང་།། གང་ནས་མ་འོངས་གར་མི་འགྲོ།། ཐབས་དང་ཤེས་རབ་མྱུར་གྲུབ་ཤོག། བདེར་གཤེགས་མ་ལུས་ཐམས
371a6 ཅད་ཀུན།། ཕྱོགས་དུས་ཀུན་ཏུ་བདག་ཉིད་ཆེ།། མི་དམིགས་ཐུགས་ཀྱི་དཀྱིལ་འཁོར་དུ།། མ་ལུས་ཀུན་འདུས་རྣམ་པར་དག། ཐབས་ཆེན་དཀྱིལ་འཁོར་ཡང་དག་པས།། བདེར་གཤེགས་ཀུན་ལ་རྣམ་པར
iiif viewer powered by OpenSeadragon
