| e-texts navigator |
| Wylie |
370b1 པས།། ཡོན་ཏན་ཕྱོགས་སུ་ཁ་བསྟན་ཏེ།། ལུས་བསྐྱོད་ཡན་ལག་བསྐུལ་བསིགས་ནས།། སྟོབས་ཆེན་དག་ཀྱང་བརྡུང་བར་བྱ།། དཀྱིལ་འཁོར་མ་ལུས་འབྱུང་བའི་གཏེར།། ཟད་མེད་ནོར་བུ་རིན་པོ་ཆེ།། མ་ལུས་ཀུན
370b2 གྱི་རེ་བ་སྐོང་།། ཐབས་དང་ཤེས་རབ་དེ་གྲུབ་ཤོག། ནམ་མཁའི་དཀྱིལ་གྱི་མདོག་བསྟན་པ།། ཡང་ན་ཐམས་ཅད་གསེར་བཙོ་མ།། དཀྱིལ་འཁོར་བསམ་ཡས་ཟད་མི་ཤེས།། ཐབས་དང་ཤེས་རབ་མྱུར་གྲུབ
370b3 ཤོག། ཡོན་ཏན་རིན་ཆེན་བསམ་ཡས་ཀྱང་།། ཐམས་ཅད་མཉམ་པའི་ངང་གནས་ནས།། དེ་བཞིན་མཉམ་ཉིད་ཡེ་ཤེས་ཏེ།། ཐབས་དང་ཤེས་རབ་མཉམ་འགྱུར་ཤོག། བདེར་གཤེགས་ཡོན་ཏན་རྨད་པོ་ཆེ།། ཡེ་ནས
370b4 ཆགས་མེད་བྱང་ཆུབ་ཞིང་།། ཡང་དག་ཉིད་དུ་ཐམས་ཅད་གནས།། ཐབས་དང་ཤེས་རབ་མྱུར་གྲུབ་ཤོག། ཐབས་དང་ཤེས་རབ་ལྡན་གྱུར་པས།། ནུབ་ཕྱོགས་སུ་ནི་ཁ་བལྟས་ནས།། ཡན་ལག་དང་པོ་བསྐྱོད་བྱས
370b5 ཏེ།། གར་རྣམས་ཤིན་ཏུ་གསལ་བྱས་ནས།། སྟོབས་ཆེན་དག་ཀྱང་བརྡུང་བར་བྱ།། ཆོས་རྣམས་མ་ལུས་ཀུན་སྤྱོད་ཀྱང་།། པདྨ་ལ་ནི་འདམ་བཞིན་ནོ།། ཆགས་པ་མེད་པའི་ཚུལ་གྱིས་གནས།། ཐབས་དང་ཤེས་རབ་དེ
370b6 གྲུབ་ཤོག། ལས་དང་ཉོན་མོངས་ནུབ་འགྱུར་བའི།། བག་ཆགས་མཚན་མ་རྡུལ་ཙམ་མེད།། ཐབས་དང་ཤེས་རབ་མྱུར་གྲུབ་ཤོག། བྱང་ཆུབ་ཆགས་མེད་དཀྱིལ་འཁོར་ནི།། གང་ནས་མ་འོངས་ཉིད་ཀྱི་དབྱིངས།། མི
iiif viewer powered by OpenSeadragon
