| e-texts navigator |
| Wylie |
370a1 གསལ་འོད་འཕྲོ་བསྟིམ་བྱས་ཏེ།། དཀྱིལ་འཁོར་འོད་ཟེར་འབར་བར་བསྒོམ།། ཏིང་འཛིན་ཤིན་ཏུ་གསལ་གྱུར་ནས།། བདག་དང་ཕྱོགས་བཅུ་དབྱེར་མེད་པར།། གཉིས་སུ་མེད་པར་བསྒོམ་པར
370a2 བྱའོ།། དེ་ནས་ཐབས་དང་ཤེས་རབ་གཉིས།། ལྷ་སྤྱོད་ཡ་ཆར་མ་གྱུར་པར།། དཀྱིལ་འཁོར་དག་ལ་གསལ་བསྒོམས་ན།། དབུས་ནས་ཤར་ཕྱོགས་ཁ་བསྟན་ནས།། རྐང་པའི་སྟབས་ཆེན་བསྐྱོད་བྱས་ཤིང་།། ལག་གི
370a3 འདུ་བྱེད་ཀུན་བསྐྱོད་ནས།། བྲོ་དང་གར་གྱི་ཕྱག་རྒྱར་བྱ།། དཀྱིལ་འཁོར་འོད་ཟེར་དཀར་འཕྲོ་བ།། བྱང་ཆུབ་སེམས་དཔའ་རྣམ་པར་དག། ཤིན་ཏུ་གསལ་དང་འོད་ཟེར་འབར།། ཐབས་དང་ཤེས་རབ་དེ་གྲུབ
370a4 ཤོག། ཅིས་ཀྱང་མི་ཚུགས་རྡོ་རྗེ་ཡིས།། བདུད་བཞི་དག་ནི་འཇོམས་པར་བྱེད།། ཐེག་མཆོག་རྡོ་རྗེའི་རིག་འཛིན་པ།། ཐབས་དང་ཤེས་རབ་དེ་གྲུབ་ཤོག། བདག་ཉིད་རིགས་པའི་རྡོ་རྗེ་ཡིས།། ཉོན་མོངས་སྡུག་བསྔལ
370a5 མེད་པར་ཤོག། མེ་ལོང་ལྟ་བུའི་ཡེ་ཤེས་ཀྱིས།། ཐབས་དང་ཤེས་རབ་གསལ་འགྱུར་ཤོག། ཉོན་མོངས་སྡུག་བསྔལ་རྩད་བཅད་ནས།། མ་རིག་མུན་པ་མེད་པར་བྱེད།། ཐུགས་རྗེའི་འོད་ཟེར་ཉི་ཤར་བས།། ཐབས
370a6 དང་ཤེས་རབ་འོད་འབར་ཤོག། ཤིན་ཏུ་སྲ་ཞིང་སྐྱེ་ཤི་མེད།། རྡོ་རྗེའི་ཐུགས་རྗེ་རོལ་སྟོན་པ།། འགྲོ་ལ་ཐུགས་རྗེ་ཡོངས་ཀྱིས་འབྱུང་།། ཐབས་དང་ཤེས་རབ་བྱམས་ལྡན་ཤོག། ཐབས་དང་ཤེས་རབ་ལྡན་གྱུར
iiif viewer powered by OpenSeadragon
