| e-texts navigator |
| Wylie |
36a1 མཛད།། སྟོང་གསུམ་ཁྲག་དང་དུར་ཁྲོད་དང་།། དགའ་དང་མི་དགའ་འཇིགས་བྱེད་པའི།། མ་ལུས་དུར་ཁྲོད་རོ་གླིང་དུ།། སྟོབས་ཀྱིས་གདུག་པ་ཟིལ་གྱིས་གནོན།། འཇིག་རྟེན་ཁམས་ནི་མ་ལུས
36a2 པར།། གཡོ་ཞིང་འཁྲུག་དང་ལྡེག་པ་ཡིས།། གདུག་པས་སྤ་བཀོང་འཇིགས་མཛད་ནས།། བསྐལ་པ་མེ་ལྟར་རབ་འབར་ཞིང་།། འཇིགས་བྱེད་ཆེན་པོ་རྒྱན་གྱིས་བཞུགས།། འདི་ལྟར་མ་ལུས་ཟིལ་གནོན་པ།། ང་རྒྱལ
36a3 ཁྲོས་པས་འདུལ་བར་མཛད།། དེ་ནས་སངས་རྒྱས་ཐམས་ཅད་ནི།། མ་ལུས་འདུས་པའི་བདག་ཉིད་དེས།། མ་ལུས་བྱིན་རླབས་གསལ་བྱའི་ཕྱིར།། གཉིས་མེད་སྦྱོར་བའི་ཐིག་ལེ་ཡིས།། མ་ལུས་ཁྱབ་པར་གང་མཛད
36a4 ནས།། ཐིག་ལེ་རྡུལ་ཕྲན་འཕྲོས་པ་ཡིས།། དག་པ་བདེ་ཆེན་ལྷུན་གྲུབ་པར།། ཐམས་ཅད་བྱིན་རླབས་གསལ་བ་ཡི།། མ་ལུས་དཀྱིལ་འཁོར་ཆེན་པོར་གནས།། དཔལ་ལྡན་འདུས་པའི་ངོ་བོ་ལས།། རིགས་ལྔའི་ཚུལ
36a5 འདི་རྣམ་པར་འཕྲུལ།། ལ་ལར་རྡོ་རྗེས་སྦྱོར་མཛད་ཅིང་།། ལ་ལར་ཀུན་གྱི་རེ་བ་སྐོང་།། ལ་ལར་མ་ཆགས་སྐྱོན་བྲལ་ཉིད།། ལ་ལར་ཆོ་འཕྲུལ་མཐའ་ཡས་སྟོན།། ཡེ་ཤེས་ཕྲ་རགས་གཉིས་སུ་མེད།། བདེ་ཆེན་རིག
36a6 པའི་སྟོབས་འཕེལ་བས།། ཤེས་པ་བརྒྱད་ནི་རང་ལྡོག་པས།། བདེ་ཆེན་རིག་པ་ཁ་བལྟས་ནས།། རང་རང་ལས་དང་སྐལ་བར་གནས།། བདེ་ཆེན་རོལ་པ་རང་སྣང་བས།། ཡུལ་རྣམས་གཉིས་མེད་འདྲེས་པ་ཉིད།། རྡོ
iiif viewer powered by OpenSeadragon
