| e-texts navigator |
| Wylie |
369a1 དབང་པོ་ཐམས་ཅད་ཀུན།། རང་བཞིན་ཡོངས་སུ་དག་པ་དང་།། ཏིང་འཛིན་དེ་བཞིན་གཤེགས་ལྔའོ།། ཡེ་ནས་མ་བཅིངས་ཡོངས་ཀྱིས་ཏེ།། ལྷག་པའི་ཏིང་འཛིན་དཀྱིལ་འཁོར་གྱིས།། དབུ་ལ
369a2 དེ་བཞིན་གཤེགས་པའི་འཁོར།། ཡན་ལག་བཞི་ལ་རིགས་བཞི་འཁོར།། ཁ་དོག་དབྱིབས་དང་ཕྱག་རྒྱ་དང་།། ཐབས་དང་ཤེས་རབ་གསལ་བསྒོམས་ཏེ།། ཕྱོགས་བཅུར་སྤྲོ་ཞིང་ངན་སོང་སྦྱོང་།། གནས་སུ་བསྡུ་ཞིང
369a3 དཀྱིལ་འཁོར་སྤྲོ།། འདས་དང་མ་འདས་ཐམས་ཅད་ཀུན།། བདེར་གཤེགས་ཞིང་དུ་རྣམ་པར་སྦྱོར།། ཡན་ལག་ཆེན་པོ་ལྔ་བསྐྱོད་ན།། རིགས་ལྔའི་དཀྱིལ་འཁོར་མ་ལུས་གཡོ།། འགྲོ་ལྔ་བྱང་ཆུབ་ལམ་དུ
369a4 མཛད།། སྙིགས་མ་ལྔ་ཡང་རྣམ་པར་དག། བཟང་མཛེས་ལེགས་པའི་གོས་བགོས་ན།། འོད་ཟེར་སྣ་ཚོགས་འཕྲོ་བར་འགྱུར།། དེ་ནས་མཐར་ཟུག་མེད་པའི་བར།། ཡེ་ཤེས་ལྔ་ཡིས་བརྒྱན་པར་འགྱུར།། སྐྱེས་བུ་བློ
369a5 ལ་རབ་ལྡན་པས།། རྟག་ཏུ་དཀྱིལ་འཁོར་དེ་ལྟར་བསྒོམ།། ཚིག་ཙམ་མ་ཡིན་བློ་གཏིང་དུ།། བདག་དང་དབྱེར་མེད་ཉིད་དུའོ།། ཐབས་དང་ཤེས་རབ་ལྡན་གྱུར་ནས།། ཤར་གྱི་ཕྱོགས་སུ་ཁ་བསྟན་ཏེ།། སེང་གེའི
369a6 སྟབས་ཆེན་མཆོང་བར་བྱ།། ལྗགས་ཀྱི་ཡི་གེ་ཏྲཾ་བསྒོམས་ལ།། ལྕེ་ནི་འབུམ་ཕྲག་བསམ་ཡས་དང་།། ཧྲི་ཡང་བསམ་གྱིས་མི་ཁྱབ་སྤྲོ།། ཕྱོགས་བཅུ་དུས་བཞི་བསམ་ཡས་སུ།། གསུང་གི་དཀྱིལ་འཁོར་འོད་འབར
iiif viewer powered by OpenSeadragon
