| e-texts navigator |
| Wylie |
368b1 བར་དུ་ནི།། བསྒོམ་དང་བཟླས་དང་ཕྱག་རྒྱ་གསུམ།། བག་ཡོད་མགོ་ལ་མེ་འབར་བཞིན།། བར་མཚམས་མེད་པར་བསྒྲུབ་པར་བྱ།། དེ་ལྟར་སྒྲུབ་པའི་རིགས་མཆོག་གིས།། ལྷ་མ་སྲིན་རྣམས་བྲན་བཞིན
368b2 འཁོལ།། འཇིག་རྟེན་དབང་ཕྱུག་དབང་དུ་སྡུད།། རྡོ་རྗེ་རིགས་མཆོག་འཁོར་རྐྱེན་རྣམས།། ཡིད་བཞིན་དུ་ནི་འབྱུང་བར་འགྱུར།། རྫུ་འཕྲུལ་ཆེན་པོ་དེ་དག་ནི།། ལུས་སྦེད་ནུས་ནས་མངོན་དུ་དབྱུང་།། དེ་མ་ཡིན་པར
368b3 ཤིན་ཏུ་གསང་།། སྐུའི་སྒྲུབ་པ་ངེས་པའི་དོན་དུ་བཀའ་སྩལ་ཏོ།། རོ་ལངས་བསྒྲུབ་པའི་ལེའུ་སྟེ་བདུན་ཅུ་པའོ།། །། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བྲོ་གར་རྩེ་འཇོ་བྲོ་གར་གྱི་དམ་ཚིག་ཅེས་བྱ་བ
368b4 ངེས་པར་ཆེད་དུ་བརྗོད་པ་འདི་བརྗོད་དེ། ཕྱོགས་བཅུ་མཐའ་ཡས་དུས་བཞི་ཡི།། ཐམས་ཅད་དབྱེར་མེད་མཎྜ་ལའི།། ཉི་ཟླ་ཤར་བའི་གཞལ་ཡས་ལ།། པདྨ་ཆགས་མེད་གདན་བཏིང་ནས།། རིན་ཆེན་ཟད་མེད་པོ
368b5 བྲངས།། ཆེ་ཆུང་དཔག་ཏུ་མེད་པ་ཡི།། བྱང་ཆུབ་བདེ་ལྡན་དཀྱིལ་འཁོར་ལ།། བདེ་ལྡན་བྱང་ཆུབ་རབ་བཀོད་ནས།། མ་ལུས་ཀུན་བསྡུས་དབྱིངས་བསྡུས་ཏེ།། ལུས་བསྐྱོད་ཡན་ལག་བསྐུལ་བསིགས་དང་།། དབང
368b6 པོ་ལྔ་ཡི་ལྟ་སྤྱོད་ཀུན།། ཕྱག་རྒྱ་ཆེན་པོ་ཡིན་པར་བཤད།། གོང་གི་དཀྱིལ་འཁོར་ཚད་ཉི་ཟླ།། མི་འཁྲུགས་པ་ཡི་ས་གཞི་ལ།། པདྨ་མ་ཆགས་གདན་བཏིང་ནས།། ཐབས་དང་ཤེས་རབ་ཆགས་མེད་ཚུལ།། ཡན་ལག
iiif viewer powered by OpenSeadragon
