| e-texts navigator |
| Wylie |
366b1 སྤངས་སྡུག་བསྔལ་མེད།། གཉིས་མེད་ཚིམ་པས་ཨ་རེ་བདེ།། ཐམས་ཅད་མ་ལུས་གཅིག་པའི་ངང་།། ལྟ་དང་ལྟ་བ་གཉི་ག་མེད།། ཡེ་ཤེས་སྒྲོན་མ་བསྒྲེང་བར་ནི།། ཕྱོགས་བཅུའི་ཞིང་ཁམས་ཐམས་ཅད
366b2 མཐོང་།། འདི་དང་ཕ་རོལ་གཉིས་མེད་ཕྱིར།། འགྲོ་དང་འགྲོ་བར་བྱ་བ་མིན།། ཡན་ལག་སྟབས་ཆེན་མ་མཆོངས་པར།། ཕྱོགས་བཅུ་སྟོང་ཁམས་ཐམས་ཅད་ན།། ཐུབ་མཆོག་སྟོན་པའི་སྤྱོད་ཡུལ་ནི།། ཇི་ལྟར
366b3 དམིགས་པ་བཞིན་དུ་འགྲུབ།། ཆོས་རྣམས་ཐམས་ཅད་དམིགས་སུ་མེད།། ཆོས་ཉིད་སྒྱུ་མ་ཅིར་ཡང་འགྲུབ།། ཟག་མེད་ཟབ་པས་དོན་བརྟགས་ན།། དག་པར་མ་གྱུར་གང་ཡང་མེད།། ཡེ་ཤེས་མ་བཅོས་ཀུན་ཏུ
366b4 གསལ།། རང་བཞིན་རྣམ་པར་དག་པའོ།། ཡེ་ནས་དེ་ལྟར་གནས་ཡོད་ཀྱང་།། མ་རིག་རྨོངས་པའི་ལིང་ཏོག་གིས།། གསལ་བའི་སྒྲོན་མ་བསྒྲིབས་གྱུར་ཏེ།། ཁམས་གསུམ་མུན་ནག་རྒྱུན་དུ་འཁོར།། རྣམ་རྟོག་མཚན
366b5 མར་འཛིན་པ་ཡིས།། ལུས་དང་ལོངས་སྤྱོད་གནས་དང་ནི།། བདེ་དང་སྡུག་བསྔལ་སྣ་ཚོགས་མྱོང་།། དེ་ལ་སུ་ཞིག་བྱེད་པ་ཡོད།། ཡང་དག་མཐུ་ཆེན་སུས་མ་བྱས།། རང་ལ་རང་གིས་བཅིངས་པར་ཟད།། ཐམས་ཅད
366b6 མ་ལུས་ཆོས་སོ་ཅོག། སྙིང་པོ་ཡོད་པ་མ་ཡིན་ཏེ།། སྒྱུ་མ་མི་གཡོར་སྤྲུལ་པ་དང་།། སྨིག་རྒྱུ་འཇའ་ཚོན་ཆུ་ཟླའི་ཚུལ།། དེ་ལྟར་གང་གིས་རབ་རྟོགས་པ།། དེ་ཉིད་སངས་རྒྱས་ཡིན་པར་བཤད།། སངས་རྒྱས་ས་ལ
iiif viewer powered by OpenSeadragon
