| e-texts navigator |
| Wylie |
366a1 དགྱེས་མཛད་དབྱིངས་མ་གཏུམ།། ཆེ་ཆུང་བྱང་ཆུབ་སེམས་དཔའི་འཁོར།། གཡོག་འཁོར་ལྷ་སྲིན་སྡེ་མང་གཙོ།། བདག་གི་མཚན་གཟུགས་ཤིན་ཏུ་སྦགས། ཆོས་དབྱིངས་མཁའ་དཀྱིལ་ཡངས་པ
366a2 ལ།། ཤེས་རབ་མྱུར་དུ་དོན་འགྲོ་བ།། འགྲོ་མེད་འོང་མེད་མི་གནས་པ། བྱང་ཆུབ་སེམས་མཆོག་ཨ་རེ་བདེ། ཤེས་རབ་ཟད་མེད་དཀྱིལ་འཁོར་ལ།། ཐུགས་རྗེ་རོལ་པའི་ཡེ་ཤེས་འཕྱོ།། གཉིས་མེད་དབྱིངས་སྦྱོར་ཨ
366a3 རེ་བདེ།། མ་རིག་འཁྲུལ་པའི་འདམ་དབྱིངས་སུ།། ཡེ་ཤེས་སྒྲོན་མའི་མདའ་འཕངས་ནས།། གཏི་མུག་མུན་པ་རྣམ་བསལ་ཏེ།། རང་བཞིན་འོད་གསལ་བདེ་བའི་མཆོག། དགེ་དང་མི་དགེ་གཉིས་སུ་མེད།། རྣམ་རྟོག
366a4 མཚན་མ་ཡོང་མི་འཛིན།། རང་བཞིན་ཡེ་ནས་འོད་གསལ་བའི།། དགེ་སྡིག་མེད་པས་ཤིན་ཏུ་བདེ།། བདེ་དང་མི་བདེ་གཉིས་མེད་པས།། ཡེ་ཤེས་ཆགས་མེད་རྣམ་པར་དག། ཐམས་ཅད་དབྱེར་མེད་ཡེ་ཤེས
366a5 ཡིན།། སེམས་ཉིད་དང་བས་ཨ་རེ་བདེ།། རྒྱན་དུ་དཀྱིལ་འཁོར་ཐམས་ཅད་མཛེས།། ཡེ་ཤེས་རྒྱུ་ལས་གྲུབ་པ་ཡི།། ཕྱི་ནང་སྒྲིབ་མེད་གསལ་བའི་ངང་།། ཡེ་ཤེས་བློ་བརྟན་ཤིན་ཏུ་བདེ།། ལོངས་སྤྱོད་ལྔ་ལྡན་ཐམས
366a6 ཅད་ལ།། གཙང་དང་སྨེ་བའི་བློ་མི་འཛིན།། ཐམས་ཅད་ཆོས་ཉིད་རོ་གཅིག་པས།། གཉིས་མེད་པས་ནི་ཤིན་ཏུ་བདེ།། ཤེས་རབ་ཆུང་ཆེན་ཏིང་འཛིན་གྱིས།། ཐམས་ཅད་མ་ནོར་གཞུང་ལུགས་བཞིན།། འཁོར་བ་མ
iiif viewer powered by OpenSeadragon
