| e-texts navigator |
| Wylie |
365b1 བཟུང་།། རྣལ་འབྱོར་བརྩོན་འགྲུས་ཆུང་འགྱུར་ན།། མི་འགྲུབ་ཉེན་ཡང་ཆེ་བར་གསུངས།། ཇི་ལྟར་རལ་གྱི་སོ་ལ་ནན་ཏན་དུ།། སྐྱེས་བུས་མྱུར་དུ་མ་བཟུང་ན།། ལག་པ་ངེས་པར་ཆོད་པར་འགྱུར།། དེ་བཞིན་ནན
365b2 ཏན་མེད་པའི་གསང་སྔགས་པ།། འཆིའམ་ཡང་ན་འབྲས་བུ་མེད་པར་འགྱུར།། རྣལ་འབྱོར་དམ་པ་རྣམས་ཀྱི་ནི།། སྔགས་ཀྱི་ཡན་ལག་མ་ཉམས་གསལ།། དོན་དམ་མ་ཉམས་དག་བྱས་ཤིང་།། བརྩོན་འགྲུས་ཆེར
365b3 སྐྱེས་མྱུར་བར་འགྲུབ།། སྔགས་བསྒོམ་མ་ཉམས་ཕྱག་རྒྱ་གསལ།། ཆོ་ག་ཡོ་བྱད་གཙོར་མ་གསུངས།། ཚོགས་ན་ཡང་ནི་ཉེས་པ་མེད།། མ་ཚོགས་ན་ཡང་ཉེས་པ་མེད།། མ་ཚོགས་ན་ཡང་འགྲུབ་པར་འགྱུར།། བདག
365b4 ཉིད་རང་གི་ལྷར་སྦྱོར་བས།། དངོས་གྲུབ་ཐམས་ཅད་འགྲུབ་པར་འགྱུར།། ཆོ་ག་ལྷག་གམ་མ་ཚང་ནའང་།། འགྲུབ་པར་འགྱུར་ཏེ་ཉེས་སྐྱོན་མེད།། ཅེས་གསང་བའི་ཚིག་ཏུའོ།། དམ་ཚིག་སུམ་བརྒྱ་པ་རྩ་བ་བཅོ་ལྔ
365b5 མདོ་བཤད་པའི་ལེའུ་སྟེ་དྲུག་ཅུ་བརྒྱད་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོས་བཞུགས་གནས་དང་།། སྤྱོད་ལམ་དང་། ལྟ་སྟངས་བསྟན་པ། ཐེག་པ་ཆེན་ལྷུན་པོ་གྲུབ་དོན་འདོད་ན།། རྒྱ
365b6 ཆེན་ཟབ་ཡངས་ཤེས་རབ་མྱུར།། ཟབ་པའི་དོན་རྟོགས་མི་ལྡོག་བདེ།། ང་དང་བདག་མེད་ཡངས་པ་བདེ།། གནས་སུ་ཆོས་དབྱིངས་གཉིས་མེད་བསྟན།། ཐབས་ཆེན་ཀུན་མཛད་འོད་གསལ་བྱམས།། ཐམས་ཅད
iiif viewer powered by OpenSeadragon
