| e-texts navigator |
| Wylie |
364b1 བར་འགྱུར།། དེ་ཕྱིར་སེམས་ཅན་དོན་ཕྱིར་གསང་།། རླུང་ཕྱོགས་ཙམ་དུའང་བརྗོད་མི་བྱ།། སྔགས་དང་ཕྱག་རྒྱ་རྒྱུན་མི་གཅད།། སྔགས་ཞེས་རབ་ཏུ་བསྒྲགས་པ་ནི།། དོན་དམ་ཀུན་རྫོབ་དབྱེར་མེད་པའི།། མཉམ་པ
364b2 ཆེན་པོའི་དཀྱིལ་འཁོར་ཆེན་པོ་རུ།། སྐུ་གསུང་ཐུགས་ཀྱི་ཡི་གེ་ཨོཾ།། དེ་ལ་སོགས་པ་བཞི་བཅུ་གཉིས།། ཕྱག་རྒྱ་ཆེན་པོས་མཚན་ཉིད་ནི།། ཕྱོགས་བཅུ་དུས་བཞི་གཤེགས་པ་ཡི།། སྐུ་གསུང་ཐུགས་དང་ཡེ་ཤེས
364b3 ལྔ།། བདག་དང་དབྱེར་མེད་ཕྱག་རྒྱ་ཆེ།། གསལ་ལ་བརྩོན་པའི་ཡོན་ཏན་ལྡན།། ཡིད་བཞིན་མ་ཆགས་དབང་བསྐུར་ཏེ།། གོམས་ཤིང་བརྟན་པར་བྱ་བ་ཡིན།། དེ་བས་བར་ཆད་བརྩོན་མེད་ན།། དཔེར་ན་ས་བོན
364b4 ཚིག་པ་ལས།། འབྲས་བུ་འདོད་པ་དང་འདྲ་སྟེ།། བསྒྲུབ་པ་འབྲས་བུ་མེད་པར་འགྱུར།། མི་ཁོམས་འཁོར་བར་གནས་འགྱུར་ཏེ།། རྣལ་འབྱོར་ཆེན་པོ་ལ་ཞུགས་པས།། ཕྱི་ནང་ཆོས་རྣམས་ཐམས་ཅད་ལ།། དམིགས
364b5 མེད་གཅིག་དང་དུ་མར་བྲལ།། མཐའ་དབུས་གང་ཡང་མ་ཡིན་པའི།། ངོ་བོ་ཉིད་མེད་མཚན་ཉིད་མེད།། མཉམ་པའི་ཕྱག་རྒྱ་ཆེན་པོ་ཡིས།། ཕྱོགས་བཅུ་དུས་བཞི་ཐམས་ཅད་དང་།། འཇིག་རྟེན་འདས་དང་འཇིག
364b6 ན་པའི།། ཡོན་ཏན་སྐྱོན་རྣམས་སྐྱེ་འགག་མེད།། གང་གི་ངོ་བོར་མ་གྲུབ་མཉམ།། ཀུན་རྫོབ་ཆོས་རྣམས་སྐྱེ་འགག་མེད།། མི་དམིགས་གང་གི་ངོ་བོ་མིན།། ཆུ་ཟླའི་ཚུལ་དུ་སྣ་ཚོགས་པར།། སྣང་ཞིང་བྱ་བ་བྱེད་ནུས
iiif viewer powered by OpenSeadragon
