| e-texts navigator |
| Wylie |
364a1 འགྱུར།། གྲུབ་པ་གཅིག་བཞིན་ལྷན་ཅིག་སྤྱོད།། གཉིས་མེད་དད་པས་རྗེས་སྤྱོད་སྤུན།། བདེར་གཤེགས་དཀྱིལ་འཁོར་བླ་མེད་ཡིན།། ཤེས་རབ་གསལ་བས་རྟག་ཏུ་གདུང་།། ཞེས་གསུངས། གསང
364a2 བ་གཞན་ལ་མི་བསྒྲགས་ཤིང་།། སྐུ་གསུང་ཐུགས་ཀྱི་དམ་ཚིག་རྣམས།། རྣལ་འབྱོར་མཉམ་པ་རྣམ་གཉིས་ཀྱིས།། ཐབས་དང་ཤེས་རབ་འབྲེལ་རྟོགས་ནས།། མཉམ་པའི་སྤྱོད་པས་ལ་དོར་ཏེ།། ཕུལ་དང་མི་འདྲ་ཡང
364a3 དག་རྟོགས།། མ་རྟོགས་པ་ཡི་ཕྱོགས་རྣམས་དང་།། སྐྱེ་བོ་ཀུན་ལ་རབ་ཏུ་གསང་།། གསང་བའི་བརྡ་ངག་སྣ་ཚོགས་གསུངས།། ཟབས་ལ་མཁས་པས་བྱས་པ་ཡིན།། གསང་སྔགས་སྐྱོན་ཡོད་མ་ཡིན་ཏེ།། ཐུགས་རྗེ
364a4 ཆེན་པོ་ཐབས་མཁས་ཀྱིས།། སྣོད་མ་ཡིན་དང་བློ་རྟུལ་རྣམས།། ལས་འཕྲོ་ངན་པའི་དོན་ཕྱིར་གསང་།། བརྒྱ་ལ་གང་ཞིག་གསང་དོན་འདི།། ལས་འཕྲོ་ངན་ལ་བསྒྲགས་འགྱུར་ན།། དཔེར་ན་གཙུབ་ཤིང་མེས
364a5 གཙུབས་ནས།། གཙུབ་ཤིང་ཉིད་ཀྱང་འཚིག་པར་སྣང་།། གཞན་ཡང་ཚིག་པར་གྱུར་པ་བཞིན།། ཆོས་དོན་བཟང་པོ་མེ་དང་འདྲ།། སྐལ་བ་ཆུང་ཞིང་ཤེས་རབ་དམན།། བློ་ངན་རྒྱུ་འབྲས་རྨོངས་པ་རྣམས།། མཉམ་པ
364a6 ཉིད་ལ་སྐུར་འདེབས་པས།། ངན་སོང་གསུམ་དུ་འཕངས་པར་འགྱུར།། གསང་དོན་མ་རྟོགས་སྡུག་བསྔལ་མྱོང་འགྱུར་ན།། གསང་བ་འཕེལ་བར་བྱེད་པ་ཡང་།། སྨྲ་བྱེད་ལྕེ་ལ་ཞིང་རྨོ་ཞིང་།། སྡུག་བསྔལ་ཆེན་པོ་མྱོང
iiif viewer powered by OpenSeadragon
