| e-texts navigator |
| Wylie |
363b1 པར་སྤྱད་པའི་དོན་མེད་འགྱུར།། བདག་ཉིད་ལྷ་དང་མཉམ་སྦྱོར་ན།། ཡོན་ཏན་ཆུང་ཡང་འགྲུབ་པར་འགྱུར།། ཡེ་ནས་མཉམ་ཉིད་སྦྱོར་ནས་སུ།། ལྷ་ཉིད་དུ་ནི་རྟག་ཏུ་བསྒོམ།། བདེར་གཤེགས་ཀུན་དང་མཉམ་པར
363b2 འགྱུར།། སྐུ་གསུང་ཡེ་ཤེས་ལྔ་རྫོགས་གྲུབ།། རྡོ་རྗེ་སློབ་དཔོན་སྨད་མི་བྱ།། བྱང་ཆུབ་སྟོན་པ་འདྲེན་པ་པོ།། ལོང་བ་དམིགས་བུ་འདྲེན་དང་འདྲ།། ཉོན་མོངས་སྡུག་བསྔལ་མཚོ་སྐེམས་ཡིན།། སློབ་དཔོན་དེ་ལ་སྨོད་པ
363b3 ནི།། དཔེར་ན་མུན་ཁུང་སྒྲོན་བསད་ན།། མཐོང་བའི་དོན་ནི་མི་རྟོགས་བཞིན།། སྡུག་བསྔལ་ཉམ་ཟག་ཡུན་རིངས་སུ།། བསྐལ་པ་མང་པོར་མྱོང་བར་མངོན།། དེ་བས་དེ་ལ་གུས་པ་རྟག་ཏུ་གྱིས།། ལུས་ལ་དབང་བའི
363b4 རྒྱལ་པོ་བས།། ཤིན་ཏུ་གཙོ་བོར་བླང་བར་བྱ།། དྲིན་ཆགས་བསྐྱེད་པའི་ཕ་མ་བས།། ཤིན་ཏུ་ལྷག་པའི་རི་མོ་བྱ།། རྡོ་རྗེ་མཆེད་དང་ལྕམ་དྲལ་ནི།། བླ་མེད་བྱང་ཆུབ་ཞིང་འགྲོ་བའི།། ཆོས་ཉིད་དམ་ཚིག་སྨོན་ལམ
363b5 མཐུས།། བྱང་ཆུབ་རིན་ཆེན་སར་ངེས་པས།། དེ་ལ་ལྡོག་ཅིང་འཁུ་བ་ནི།། རང་ལ་རང་གིས་མཚོན་བཏབ་ན།། རང་སྲོག་ཚེ་རབས་ལྔ་བརྒྱའི་བར།། རང་གིས་སྲོག་གཅོད་ཕུང་བར་འགྱུར།། ཚེ་འདི་མི་བདེ་སྣ་ཚོགས
363b6 པ།། མི་བདེ་བཞིན་དུ་འབྱུང་བར་འགྱུར།། འཇིག་རྟེན་ཕ་རོལ་དག་ཏུ་ཡང་།། ངན་སོང་གསུམ་དང་མི་ཁོམ་པའི།། སྡུག་བསྔལ་ཁ་བརྒྱུད་མྱོང་བར་འགྱུར།། ཡུན་རིང་རྟག་ཏུ་མི་ཐར་བའི།། ཤིན་ཏུ་ཉམ་ཐག་མྱོང་བར
iiif viewer powered by OpenSeadragon
