| e-texts navigator |
| Wylie |
363a1 སྤངས་རྩ་དང་ཚུལ་ཟོས།། ཟོས་ཀྱང་མ་གྲུབ་དོན་མ་རྟོགས།། རྣལ་འབྱོར་ཐབས་ལྡན་རྣམས་ཀྱིས་ནི།། རང་བཞིན་ཡོངས་ཀྱིས་དག་པའི་ཕྱིར།། མཉམ་པའི་དབྱིངས་ཀྱིས་རབ་རྟོགས་པས།། ཐབས
363a2 དང་ཤེས་རབ་འབྲེལ་པ་ཡི།། ཐེ་ཚོམ་མེད་པར་འགྲུབ་པར་འགྱུར།། དངོས་དང་དངོས་མེད་རྟོགས་པ་མཚན།། གཙང་དང་མི་གཙང་རྟོགས་པ་མཚན།། མཚན་མ་ཉིད་ཀྱང་རྣམ་སྤངས་ཏེ།། མཁྱེན་པས་དབུལ་ལ
363a3 གནས་མི་འགྱུར།། བསྒྲུབ་པའི་རྫས་སུ་ཡང་དག་གསུངས།། བྱང་ཆུབ་སེམས་དང་ཤ་ཆེན་དང་།། དྲི་ཆེན་དྲི་ཆུ་རཀྟ་དག། སྒྲུབ་པ་པོས་ནི་ནན་ཏན་བྱ།། དངོས་གྲུབ་ཡ་མཚན་ཆེན་པོ་འགྲུབ།། ཚེ་ལ་དབང་དང་རིག
363a4 པ་འཛིན།། མཁའ་ལ་འཕྱོ་དང་ཐོགས་མེད་འགྲུབ།། མཐར་ནི་སྐྱེ་མེད་རྡོ་རྗེ་ཡིས།། གཞན་ཡང་ཇི་ལྟར་དམིགས་པ་བཞིན།། འགྲུབ་འགྱུར་འདི་ལ་ཐེ་ཚོམ་མེད།། གསང་བའི་སྙིང་པོའི་དོན་ཉིད་ཀྱིས།། ཡི་དམ་མི
363a5 སྤང་རྟག་བསྒོམ་ཞིང་།། ཡེ་ནས་ལྷ་ཡི་མཚན་ཉིད་ནི།། དུས་གསུམ་གཤེགས་པ་ཐམས་ཅད་ཀྱི།། ལྷ་སྤངས་དགེ་སྤྱད་དོན་མེད་འགྱུར།། ལྷ་ནི་མི་སྤང་དོན་ཉིད་ནི།། ལྷུན་གྲུབ་ཡེ་ཤེས་ཐམས་ཅད་ཀྱི།། བདག་དང
363a6 གཉིས་མེད་སོ་སོ་མ་ཡིན་པའི།། དུས་གསུམ་བདེར་གཤེགས་དཀྱིལ་འཁོར་ཐམས་ཅད་ཀྱི།། སྐུ་གསུང་ཐུགས་ཀྱི་རྡོ་རྗེ་བདག་པོ་སྟེ།། ཡོངས་སུ་རྫོགས་པར་བསྒོམ་པའི་དོན།། དཀོན་མཆོག་གསུམ་སྤངས་ཚངས
iiif viewer powered by OpenSeadragon
