| e-texts navigator |
| Wylie |
362b1 སྲིད་འཚོ་ཡི་བར་དུ་འདོད་པ་སྤོང་བྱེད་པ།། དེ་དག་གྲོལ་བར་ངས་མ་བཤད།། ཆོས་རྣམས་ཐམས་ཅད་ཡོངས་སུ་དག་པ་ཡི།། རྣམ་བཞི་ཚུལ་གྱིས་དོན་རྟོགས་མངོན།། རྒྱུ་རྣམས་རང་བཞིན་དག་པ་དང་།། འབྲས་བུ
362b2 ཡོངས་སུ་དག་འགྱུར་ཏེ།། རྒྱུ་ཡི་མཚན་ཉིད་རྣམ་པར་དག། ཕྱི་རོལ་ཆེན་པོ་ལྔ་རྣམས་ཏེ།། སེམས་ཉིད་གཟུང་འཛིན་གཉིས་སྣང་བ།། གཟུང་བའི་ཡུལ་ཉིད་འབྱུང་བ་ཆེ།། རྒྱུད་ཉིད་རང་གི་སེམས་ཡིན་པས།། འབྱུང
362b3 བ་ཆེན་པོ་རྒྱུ་ལས་དག། འབྲས་བུ་ཡོངས་སུ་དག་པ་ནི།། སེམས་ཅན་ཀུན་གྱི་རུས་པ་སྟེ།། རྡོ་རྗེ་བྱང་ཆུབ་སེམས་ཡིན་ཏེ།། ཤ་ནི་པདྨ་རཀྟ་ཡིན།། དྲི་ཆེན་དྲི་ཆུ་གུར་གུམ་ཆུ།། སོ་སོའི་ལུས་ལ་གནས་པས་དག། དོན
362b4 དམ་དམིགས་མེད་དག་པས་ནི།། ཕྱི་ནང་ཆོས་རྣམས་ཐམས་ཅད་ཀྱང་།། གང་གི་ངོ་བོ་མ་ཡིན་ཏེ།། སྐྱེ་འགག་མེད་པས་ཡེ་ནས་དག། ཀུན་རྫོབ་ཡེ་ནས་དག་པ་ནི།། སྒྱུ་མའི་རང་བཞིན་ཐམས་ཅད་སྣང་།། ཆུ་ཟླའི
362b5 ཚུལ་དུ་མི་དམིགས་གནས།། མི་དམིགས་པ་ཉིད་སྣ་ཚོགས་སྣང་།། དེ་བཞིན་གཤེགས་པར་ཡེ་ནས་མཉམ།། དེ་བས་གཙང་སྨེ་མེད་པར་སྤྱོད།། སེམས་ཅན་རྟོག་པ་བཟློག་ཕྱིར་སྨད།། གཙོ་རུ་དང་དུ་བླང་བར
362b6 བྱ།། དེ་བས་སེམས་ཅན་ཕྱིན་ཅི་ལོག། ཆོས་རྣམས་ཐམས་ཅད་དག་པར་མ་ཤེས་ཏེ།། ཐབས་དང་ཤེས་རབ་དོན་མ་རྟོགས།། ཁ་ཅིག་གིས་ནི་འཚོ་བའི་བར་དུ་ཟོས།། ཁ་ཅིག་གིས་ནི་དྲང་སྲོང་ཇི་བཞིན་དུ།། ཤ
iiif viewer powered by OpenSeadragon
