| e-texts navigator |
| Wylie |
362a1 ཕྱིར།། མྱ་ངན་འདས་པ་ཡོད་མ་ཡིན།། གསང་སྔགས་བླ་ན་མེད་པ་ཡི།། ཐབས་ཀྱིས་ཇི་ལྟར་ཟིན་བཞིན་འགྲུབ།། བསམ་གྱིས་མི་ཁྱབ་ངེས་པ་མེད།། དོན་དམ་ཅིར་ཡང་མ་གྲུབ་ལ།། སྒྱུ་མའི་སྤྲུལ་པ
362a2 བསམ་མི་ཁྱབ།། ཐབས་ཆེན་དག་གིས་ཟིན་པ་ནི།། ཉོན་མོངས་ལམ་ཡང་རྣམ་པར་གྲོལ།། ཐབས་ཆེན་དག་གིས་མ་ཟིན་ན།། དགེ་བ་སྤྱད་ཀྱང་གྲོལ་མི་འགྱུར།། རྣལ་འབྱོར་དོན་དམ་ལྡན་པ་ཡིས།། ཉོན་མོངས
362a3 འཆིང་བའི་ཆོས་སྤྱད་ཀྱང་།། རྣམ་པར་གྲོལ་བར་འགྱུར་བ་ཡིན།། འཁོར་བ་དང་ནི་མྱ་ངན་འདས།། གཉི་ག་ཡོད་པ་མ་ཡིན་པས།། འཁོར་བ་ཡོངས་སུ་ཤེས་པས་ན།། དེ་ནི་མྱ་ངན་འདས་པའི་མཐའ།། ཉོན་མོངས
362a4 ཕྱིན་ཅི་ལོག་རྣམས་དག། ཐབས་ལ་མཁས་པས་ཟིན་འགྱུར་ཡང་།། གྲོལ་ལ་ཐར་པར་མི་འགྱུར་ན།། བྱང་ཆུབ་སེམས་དཔའ་རྣམས་ཀྱིས་ནི།། འདུལ་བའི་དབང་གིས་བྱ་བྱེད་ཀུན།། རྔོན་དང་སྨད་འཚོང་སྟོན་པའང
362a5 ལྟུང་།། བྱང་ཆུབ་སེམས་དཔའི་སྤྱོད་ཚུལ་བཟང་།། ཕལ་ལ་མེད་པས་མི་རུང་ན།། སྔགས་མཆོག་ཤིན་ཏུ་ཟབ་པ་ཡི།། སྐྱེ་བོ་ཀུན་གྱིས་བྱ་བར་འབྱུང་།། བདུད་རྩི་དང་དུ་བླང་བར་གསུངས།། མཉམ་དང་མི་མཉམ
362a6 དབྱེར་མེད་ན།། སྐུ་གསུང་རྡོ་རྗེ་དབང་ཐོབ་འགྱུར།། གྲུབ་པའི་རྫས་སུ་དེ་ཕྱིར་གསུངས།། ཤེས་རབ་མཉམ་པ་མ་རྟོགས་ན།། བྱོལ་སོང་ལ་ལ་ཆོས་དང་ལྡན་འགྱུར་ཡང་།། དྲང་སྲོང་འཚོ་དང་རྟག་མཐུན་དང་།། ཇི
iiif viewer powered by OpenSeadragon
