| e-texts navigator |
| Wylie |
361a1 དང་མ་ཆགས་གཉིས་མེད་པས།། འདོད་ཆགས་མཚན་ཉིད་སྤང་དུ་མེད།། ཕྲག་དོག་ཀུན་གྱི་མཚན་ཉིད་ནི།། གཞན་གྱི་ཕུན་སུམ་ཚོགས་པ་ལ།། སེམས་དོག་རྟོག་པ་སྒྱུ་མ་གཞན།། ཐབས་ཀྱིས་སྦྱོར་བ
361a2 སྒྱུ་མའི་རང་བཞིན་ཅན།། ཕྲག་དོག་སྤྱི་མཚན་བཤད་པ་ནི།། མི་རྟག་སྡུག་བསྔལ་སྟོང་བདག་མེད།། ཕྲག་དོག་སྤང་ཞིང་ཡངས་བསྒྲུབ་མེད།། ཆོས་ཉིད་དུ་ནི་རོ་གཅིག་ཕྱིར།། ཀུན་རྫོབ་སྒྱུ་མ་གཞན་གྱི་ཕུན་སུམ
361a3 ལ།། ཕྲག་དོག་རྟོག་པ་སྒྱུ་མའི་རང་བཞིན་ཉིད།། མི་དམིགས་པ་ལས་མི་གཞན་ཏེ།། མི་དམིགས་པ་ཉིད་སྒྱུ་མར་སྐྱེས།། ཕུན་སུམ་ཚོགས་པའི་ལྷག་པར་སྦྱོར་བ་ཡི།། ཐབས་ཀྱི་རྟོགས་པ་སྒྱུ་མའི་ཆོས་ཉིད་དེ།། དུས
361a4 གསུམ་རྒྱལ་བ་ཀུན་དང་དབྱེར་མེད་པས།། ཆོས་སྐུ་ཕྱག་རྒྱ་ཆེན་པོ་ཡིན།། མི་དམིགས་སྒྱུ་མ་གཞན་གྱི་ཕུན་སུམ་ལ།། ཕྲག་དོག་རྟོག་པར་འཛིན་པ་དང་།། རྟོག་དང་ཕྲག་དོག་མི་དམིགས་ཏེ།། སྒྱུ་མ་མི་དམིགས
361a5 དབྱེར་མེད་པའི།། བདེན་པ་གཉི་གར་རོ་གཅིག་པས།། ཏིང་ངེ་འཛིན་གྱི་དབང་བསྒྱུར་ན།། ཐུགས་ཀྱི་ཕྱག་རྒྱ་ཆེན་པོ་ཡིན།། མི་དམིགས་གཞན་གྱི་ཕུན་སུམ་ལ།། ཕྲག་དོག་རྣམ་པར་སྤྲོས་པ་ནི།། གདུལ་བའི་བྱ་བ
361a6 བསམ་མི་ཁྱབ།། གསུང་གི་ཕྱག་རྒྱ་ཆེན་པོ་ཡིན།། ཕྲག་དོག་རང་དང་སྤྱི་བསྟན་པ།། རྣམ་པར་བྱང་བའི་མཚན་ཉིད་ཡིན།། དོག་པ་སྤང་ཞིང་ཡངས་བསྒྲུབ་མེད།། སེམས་ཅན་རྣམ་པ་མང་པོ་ཀུན།། ནང་གི་ཆེན་པོ་ལྔ
iiif viewer powered by OpenSeadragon
