| e-texts navigator |
| Wylie |
360a1 ཡིན།། ཀུན་ཀྱང་དབྱེར་མེད་ཆོས་ཕྱག་རྒྱ།། མི་དམིགས་སྒྱུ་མ་ཀུན་ནས་མནར།། རྟོག་པ་ཀུན་ནས་མནར་སེམས་ཏེ།། ཆོས་ཉིད་སྒྱུ་མ་མི་དམིགས་ཏེ།། ཆོས་ཉིད་སྒྱུ་མ་མི་དམིགས་ཕྱིར།། དོན་དམ
360a2 ཀུན་རྫོབ་རོ་གཅིག་སྟེ།། ཏིང་ངེ་འཛིན་གྱིས་དབང་བསྒྱུར་ན།། ཐུགས་ཀྱི་ཕྱག་རྒྱ་ཆེན་པོ་ཡིན།། མི་དམིགས་ཀུན་ནས་མནར་སེམས་པ།། འདུལ་བའི་བྱ་བ་བསམ་མི་ཁྱབ།། གསུང་གི་ཕྱག་རྒྱ་ཆེན་པོའོ།། ཞེ་སྡང་སྤྱི
360a3 ཡི་མཚན་ཉིད་ནི།། ཡང་དག་ཉིད་ཀྱིས་རབ་བརྟགས་ན།། རྣམ་པར་བྱང་བའི་མཚན་ཉིད་དེ།། གཉིས་མེད་ཞེ་སྡང་སྤང་དུ་མེད།། ང་རྒྱལ་མཚན་ཉིད་བཤད་པ་ནི།། ཁོང་ནས་འགྱིང་ཞིང་ཁེངས་སེམས་པ།། ཕ་རོལ
360a4 ཟིལ་གྱིས་གནོན་པར་བྱེད།། སྤྱི་ཡི་མཚན་ཉིད་བཤད་པ་ནི།། མི་རྟག་སྡུག་བསྔལ་སྟོང་བདག་མེད།། ང་རྒྱལ་སྤངས་ནས་ཞི་བསྒྲུབ་མེད།། ཆོས་ཀྱི་དབྱིངས་སུ་རོ་གཅིག་པས།། ཀུན་རྫོབ་སྒྱུ་མར་ཁོང་འགྱིང
360a5 ཉིད།། དེ་བཞིན་ཉིད་ལས་མི་གཞན་ཏེ།། ཆོས་ཉིད་མི་དམིགས་འགྱིང་བར་སྐྱེས།། སྐྱེ་འགྱིང་ཉིད་ན་ཆོས་ཉིད་དེ།། འགྱིང་བའི་རང་བཞིན་མི་དམིགས་དག། འགྱིང་དང་མི་འགྱིང་དབྱེར་མེད་ཕྱིར།། ཆོས་སྐུ་ཕྱག་རྒྱ
360a6 ཆེན་པོ་ཡིན།། མི་དམིགས་པ་ཉིད་སྒྱུ་མ་འགྱིང་།། འགྱིང་བས་ཟིལ་གྱིས་གནོན་པ་ཉིད།། ཆོས་ཀྱི་དབྱིངས་ལས་མི་གཞན་ཏེ།། སྒྱུ་མ་ཆོས་ཉིད་དབྱེར་མེད་ཕྱིར།། དོན་དམ་ཀུན་རྫོབ་གཉི་ག་གཅིག། ཏིང་ངེ་འཛིན
iiif viewer powered by OpenSeadragon
